作為住喺新界西嘅朋友,元朗多正嘢食就個個都知,永年士多係元朗更加係出哂名 。 裝修過後嘅永年餓底我都係第一次, 外觀上變得乾淨整齊,面目一新。 今日兩點半黎,你以為差唔多下午茶時段黎會人少啲?( •́ _ •̀)? 都係排隊吧啦!你去搵下龍尾先啦~ 呢到係先買後拎,所以排隊就要順便諗定食乜 今日有六十蚊喺身,一於就食大碗面啦! 要我揀餸又唔知燃燒左我幾多青春 哈 辣度就揀左微辣腩汁。買完飛大概五六分鐘就有得食!(ノ>ω<)ノ 永年士多入面裝修得幾有格調,主調為灰色,地方大左,有普通四人枱同望風景似乎無咁lonely嘅單邊自閉位。 登登--大碗面--! 聚十寶於其中!d(`・∀・)b 大碗面有十款餸,都係魚蛋雞翼尖魷魚豬大腸蘿蔔個啲啦。 咁大包圍實有幾款你鐘意嘅~ 賣相幾好咁啵,非常足料。 先食餓底至愛must嗌嘅車仔面配料豬大腸,食落半肥瘦得黎又好滑,簡直食極都唔厭(́◉◞౪◟◉‵) 挑哂啲豬大腸黎食之後,有請豬紅~~豬紅就無腥味仲甜甜地,唔會一夾就散。一啖一粒岩岩好! 孖寶兄弟之一魷魚爽口但略嫌細舊( ˘・з・) ( ˘・з・) ( ˘・з・) 孖寶兄弟之豬皮通透彈牙兼大塊,唔會有恐怖黑色嘅豬毛。蘿蔔無渣而清甜,索盡湯汁。 雞翼尖有三隻,炆得腍之餘,鹵水煮得好入味。雞翼大隻飽滿,啖啖肉又嫩滑,正!湯底鹹中帶甜,辣汁好香。 整體黎講,大碗面配料之中餓底覺得豬腸雞翼豬紅最滋味,五十八蚊都算係物有所值。 永年士多個名響噹噹,不過有另一間車仔麵都係元朗地膽極力推介 ✧ ✧✧◝(⁰▿⁰)◜◝(⁰▿⁰)◜✧ ✧ ✧甚至係話絕對要挑戰辣汁 就等餓底我下次介紹啦 糧尾餓底:Tyra Ng 店鋪: 永年士多 地址: 元朗教育路88號寶城洋樓地舖2-4號 https://foodiesatyuenlong.wordpress.com/