成日聽d fd講B仔好正，但對於本小姐呢d九龍人黎講，一聽到位於元朗就覺得太遠(雖然想試好耐...)，上個星期終於有時間的起心肝決定入去朝一朝聖。九龍人入元朗就好似去左個旅行咁，冇'當地人'帶路我呢d路痴又點識行呢...好彩！本小姐無野多，就係朋友多！一於叫埋住個頭既fd一齊去啦 成日聽元朗人會話: 喂～去食B仔囉 B仔呢間元朗地標 / 街知巷聞嘅糖水鋪其實本名係叫佳記甜品 大大個招牌你肯定留意到 B仔鋪面大，仲有上下兩層。但係我就無呢個勇氣坐上層啦.....因為…上層太凍喇！！！行一行上去已經feel到好似雪房咁透心涼，成個人就好似啲生果咁冰鎮完-_- 用卡通黎形容就係會變左Frozen 入面隻雪人Olaf↓↓↓↓↓↓↓↓↓↓ (講到frozen 係咪自動想唱句let it go呢~~) B仔雞翼尖惹味好食夠辣就街知巷聞，唔介紹啦...其實入到去見到10個有9個都有叫，但本小姐食完飯先去，個胃就淨係有位試佢個甜品...好可惜(突然覺得細食也是罪...) 好明顯B仔最出名最拿手就緊係餐牌B仔類個堆啦，本小姐同呀元朗fd就兩個人嗌左個B仔船share啦:)無可否認佢既製作同送餐時間真係非常高效率，等左幾分鐘就有得食啦！ 點擊圖片放大 兩個人食都幾大盤，睇落好澎湃，賣相ok。 鮮雜果有: 蜜瓜、西瓜、哈蜜瓜、香蕉，另外有罐頭貨水蜜桃、蘆薈椰果同Cookie Ice cream 食左幾啖，已經得出結論....蜜瓜西瓜哈蜜瓜都冇無水果甜味，得水...因為無味，所以唯有用生果蘸雪糕(真係逼於無奈先會咁食-_-) 蜜瓜無蜜瓜味，西瓜無西瓜味，哈蜜瓜無哈蜜瓜味... 所以我都幾欣賞佢個罐頭水蜜桃，已經係成碗野最好食既水果(講真，味道都無咩特別) 咁就洗左本小姐成五十幾蚊！！真心伏！我覺得本小姐自己整都整到同一定整得好食過佢！等我開番間'A女涼粉'係九龍先(haha...講笑^^) 撇開佢既食物質素唔講，d落單姐姐真係世界級...佢地好似唔憂無生意咁！成日黑面扮聾，趕客mode turn on...要本小姐自己入舖頭搵位都算，坐低左都唔識do無招呼...問多兩句都好似得罪佢咁-_-我地兩個人諗住share所以好聲好氣開聲問佢可唔可以比個碗，佢勁惡咁話：咪放左係個道囉，唔識自己拎？！(嘩！真係講一次嬲一次！比錢你賺仲要受你氣？咩道理？) 其實望佢個餐牌佢甜品種類都算多，可能係本小姐咁唔好彩揀中左個中伏既黎試啦...如果你自問EQ高既可以黎試下佢其他甜品既......不過身為九龍人就覺得唔多值得為左佢山長水遠入黎啦！ 雖然B仔係中伏劣食，不過元朗仲有好多正嘢甜品店既！稍後仲會有其他有heart甜品小店recommend...密切留意！ 本小姐：Albee Ng 更多元朗美食: https://foodiesatyuenlong.wordpress.com 店鋪:B仔涼粉/佳記甜品 地址：元朗又新街置富中心7號舖 [googlemaps https://www.google.com/maps/embed?pb=!1m18!1m12!1m3!1d3687.637851332065!2d114.02380421495731!3d22.4426525852498!2m3!1f0!2f0!3f0!3m2!1i1024!2i768!4f13.1!3m3!1m2!1s0x3403fa0ab1cd77e5%3A0xc15e08e659ec1dc0!2z5L2z6KiY55Sc5ZOB!5e0!3m2!1sen!2shk!4v1487702991890&w=600&h=450]
