呢間台灣小食店“酥我行”係餓底我近期嘅新寵 (無限心心眼)！！！ 岩岩開業兩個月，店鋪細細，行過可能會走漏眼。但係當你聞到佢地炸嘢嘅香氣，你就會即刻覺得口痕痕！！！ “酥我行”嘅位置係正佳記甜品，亦即係舊B隔離。 佢嘅台式小食種類都多。除左有鹽酥雞呀、脆豬扒之外，蔬菜類就有酥炸本菇、金菇，酥炸四季豆都有。如果平日唔鍾意食菜嘅你，可能會試過番尋味。 餓底我其實有重度選擇困難症 (無得醫哈哈) 一路索住飄黎嘅炸嘢香味，一路內心掙扎要叫邊樣。 店主大叔好nice咁介紹左幾款炸物，又講下炸本菇同炸金菇嘅分別。餓底最後揀左香酥棒棒豬 ($30)同埋小辣酥炸本菇($20)試試佢。 都幾大兜啵，份量足，好有盤滿砵滿嘅感覺。 香酥棒棒豬 點擊圖片放大 炸到金黃色嘅豬肉條唔肥唔嚡都幾嫩，炸漿薄。面頭有胡椒粉調味。岩哂食肉獸！ 酥炸本菇 點擊圖片放大 結果一食酥炸本菇，餓底毫無抵抗力之餘上左癮添。本菇炸完仲係好juicy，本菇嘅鮮甜同濃郁香味都keep住。嗯～好正！！！ 香口炸物果然食唔停，食到最後一粒菇個陣，真係好想encore！！雖然熱辣辣食好香口，但食完無喉嚨乾或者好想飲水。 香辣小銀魚、鹽酥雞同埋魷魚鬚下次要食！支持小店“酥我行”！！ 餓底碎碎念：如果配埋芥茉醬，飲住啤酒可能會仲正～ 糧尾餓底：Tyra Ng 更多其他元朗的的美食: https://foodiesatyuenlong.wordpress.com/ 店鋪: 酥我行 地址: 元朗裕榮徑3號金禧樓地下5號 [googlemaps https://www.google.com/maps/embed?pb=!1m18!1m12!1m3!1d921.9086057791318!2d114.0256239389941!3d22.442781543074783!2m3!1f0!2f0!3f0!3m2!1i1024!2i768!4f13.1!3m3!1m2!1s0x0%3A0xa5540701c711f86!2z6YeR56an5qiT!5e0!3m2!1szh-TW!2shk!4v1487441485078&w=600&h=450]
