今個星期仲係復活節加清明大假，如果不是外遊，要諗節目比小朋友都幾頭痕。 今次滙豐及東華三院首次舉辦的「 滙豐社區同樂日」 ，由4月5日至8日係銅鑼灣加路連山路印度遊樂會舉行，最難得係全部免費。 其實地點係掃桿埔運動場旁邊，大家可以沿南華會上山，又或者由銅鑼灣丹麥餅屋旁邊小路行入去，大概不用15分鐘，相當方便。 大家請留意以下開放時間，因為早入場可以預先報玩最受歡迎既四款欖球遊戲。 4月6日（星期五）: 早上11時至晚上11時 4月7日（星期六）: 早上8時至晚上11時 4月8日（星期日）: 早上8時半至晚上11時 點擊圖片放大 +5 如果有5至12歲小朋友，建議大家入場後即刻去排隊報名玩「滙豐欖球體驗」訓練班，因為每日只得幾班，有專人教授技巧，事後仲有迷你欖球送比小朋友，玩足差不多45分鐘，超正。 點擊圖片放大 至於其他三款欖球遊戲是「傳球挑戰」、「 攔截高手」及「達陣特攻」，至於點玩？請放心，有專人睇住。 點擊圖片放大 +2 如果唔想太出汗，又有好多東華三院其下機構既攤位比大家玩，除左面部彩繪，全部都有禮物，我同囝囝就拎左兩棵盆栽返屋企啦！ 點擊圖片放大 +3 玩得太攰或者肚餓，現場亦有美食攤檔，價格由 $40 至$120左右，紙包飲品及汽水，如果無記錯，由$20起跳，飲品杯要加$10按金，但可以退回，不過大會有過濾水免費提供，可算窩心。 至於中央大舞台除了有東華三院轄多個舞蹈團、樂隊和敲擊樂隊作現場表演，如果遇上賽事，更會有直播。 相關活動資料 : 滙豐社區同樂日 不過，由於現場大部份位置露天，烈日當空下會汗流浹背，家長最好帶定衣服替換，另加水樽及手提電風扇。 免費入場免費玩，仲要有禮物，家長又可以多一個消閒點，真心推介比大家！ 希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝！ http://www.facebook.com/foodiephilip
