每年的聖誕節，自助餐可說是主導了飲食市場，亦成了大家必爭之地，推陳出新找新意，的確令人搲爆頭。 今年沙田凱悅酒店咖啡廳的 Buffet ，除了提供正常的美食外，今次仲特別呈獻四款特色美食，在不同時段及位置推出，真係越食越精彩。 雖然酒店位於東鐵大學站外，但地址卻是沙田，搭火車都有兩個站差距，可想而知沙田區所涵括地段有幾大。 說真的，看起來在北區是獨市生意，但食物及服務水平卻沒有因循苟且，中菜廳尤其出色，而咖啡廳的自助餐是初次接觸，感覺良好。 很喜歡餐廳內座位闊落，空間感強烈，獨立的煮食區，把不同食物區分得清清楚楚，整個晚上就算客人爆滿，取食物時亦不見人龍出現，值得一讚。 今晚就先講聖誕期間的特色食品。 首先係日式吧檯既海膽雜錦刺身丼，絕無誇張失實，料多過飯，三文魚、吞拿魚及蟹柳碎上，蓋滿整碗飯，最厲害係再放上一整片海膽，賣相澎湃，海膽甘香甜滑，入口即化，超正。 然後係 Carving Station 既芝士蘑菇焗龍蝦配美國肉眼，奉客之前，大廚更淋上白蘭地，即時火光烘烘，極之有氣勢，未食先興奮，龍蝦仲要爆膏，嫣紅蝦膏，份外誘人。 日式及西式之後，便輪到中式專區，提供鮑魚花膠扣冬菇伴脆米，原隻鮑魚用蠔皇扣至軟腍入味，大花菇肥大肉厚，加上滑溜可口既花膠，最後灑上脆米增加口感，實在是完美組合。 四重奏壓軸當然是甜品，淋上冧酒及點火的火焰雪山，散發陣陣芳香，切開一半，餡料是紅莓雪葩及草莓雪糕，甜酸夾雜，令味蕾感覺煥然一新。 Seafood Station 有長腳蟹爪、帆立貝、青口、熟蝦及凍蝦；長腳蟹爪肉質鮮甜，但敵不清爽又無須剝殼的凍蝦及啖啖肉既帆立貝。 日式食品 除了刺身及壽司 另有烤雞軟骨及海帶花蛤湯。 Carving Station 燒火雞及牛扒 聖誕節當然要食片火雞，加上肉味道濃郁有嚼口既牛扒，食肉獸應該收貨。 加上原條烤羊架、原條燒排骨及燒菠蘿，富豐得令人抱住個肚；羊架略帶羶香，個人幾鐘意；而燒菠蘿令甜香四溢，又是要花點胃納去試。 Pizza 餐廳自設烤爐，車厘茄薄餅與及辣肉腸薄餅要即時製作真係無難度。 西式頭盤同主食仲有肉醬意粉、意大利雲吞、白汁煮砂白、白汁魚柳、香草豬肉腸、司華力腸及熱狗腸，如果對肉類興趣不大，亦不愁沒選擇。 湯 第一次係Buffet喝到菜乾豬肺湯，不單是老火湯，而且清洗豬肺真是少點功夫也不成。 熱葷 枝竹羊腩煲 天寒地凍，食熱辣辣既羊腩煲最好，食幾多都得，又無須自己慢慢煮，尤其是馬蹄同枝竹夠清甜同入味。 川香麻辣炒田雞 幾位同行朋友大讚，麻香味滲入田雞腿，實在惹味，能配上一杯冰凍啤酒更是一流享受。 木耳炒蝦仁及荷芹炒臘味 兩者都有家常菜的感覺。 仲有瑤柱絲扣節瓜、炒上海麵、咖喱雞及參巴醬炒四季豆，對喜歡中菜的老人家，又多了選擇。 燒味 燒味師傅超好人，將燒鴨、油雞、叉燒及紅腸砌成拼盤，賣相不俗，加上是中菜部出品，有一定水準。 灼料吧 實在太多美食，但沒些少澱粉質，總是覺得未夠完滿，灼了碗麵，加上車仔麵餸，給自己三扒兩撥秒殺了。 芝士 車打芝士、Danblu、Brie及Emmental 沙律 若果食得太膩，放心，有蕃茄沙律、煙三文魚、莎樂美腸及火腿，或者自製沙律清清味蕾。 甜品 作為雪糕控，望見9款哈根大師雪糕，不期然會失控，朱古力雪糕、草莓雪糕、香草雪糕、芒果雪糕、草莓乳酪雪糕、咖啡雪糕、柑橘柚子雪糕、紅樹莓雪葩、冧酒提子雪糕與及超正即製黑森林雪糕杯，加入了忌廉、朱古力片及冧酒，芬芳甜美，謝謝朋友的推介。 除了必食雪糕外，一眾聖誕甜品都非常吸睛。 點擊圖片放大 聖誕樹頭蛋糕與及栗子泡芙蛋糕是必然之選。 再來店方蜂蜜芝士蛋糕，畢竟是店方名物，幽香甜美，誠意推薦。 點擊圖片放大 至於TIRAMISU、朱古力蛋糕、什果撻、Cupcake 、葡撻與及西米布甸，就要睇「甜迷」有幾多食力了。 飲品 紅莓特飲以及檸檬特飲味道稍淡，但客人亦可到自助咖啡機，自己動手沖杯靚咖啡。 好少寫Buffet會咁長篇幅，但因為太多食美，越寫越諗起，家陣已經plan緊幾時同太太走一轉。 地址 : 沙田澤祥街18號沙田凱悅酒店大堂 電話 : 37237952 味道 : 4 環境 : 5 服務 : 4 衛生 : 4 抵食 : 4 位置 : 4 希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝！ http://www.facebook.com/foodiephilip
