荃灣愉景勁好味泰國菜 $1份燒豬頸肉勁抵近荃景圍體育館個出口，呢間thai2.0真係好食，愉景新城呢間泰國菜每日都有$1優惠，行過呢邊就試下，果然勁正，食物質素又好，性價比好高，食物每款都好食，而且價錢好優惠，怪唔之得lunch hour都坐滿晒人。點擊圖片放大 +4 碳燒豬頸肉 $1只要叫主餐牌2款頂目(小食/甜品/飲品除外)，就可以用$1追加唔同菜式，包括烏頭、豬手、海南雞等等，真係好抵食呀😍豬頸肉個肉質係好嫩，仲有啲炭燒香味，真係無得輸啊！豬肉碎生菜包 $96我仲試咗一份豬肉碎生菜包，佢嘅辣酸味平衡得好好，勁好味！忍唔住一口接一口清晒～泰式馬拉盞炒通菜 $80我試咗泰式馬拉盞炒通菜，個菜唔會太辣，仲有香嘅香茅味，通菜好新鮮，仲要超大碟，好滿足！原個菠蘿海鮮炒飯 $98原隻菠蘿上枱，賣相一流！仲有好足料，好多餸，有蟹柳、肉鬆、腰果仲有新鮮菠蘿肉，好fresh好香甜，飯粒又好彈牙，必嗌！椰汁沙冰$32呢杯椰汁沙冰勁大杯，椰香味好吸引，消暑解膩！熱龍眼水 $19清甜潤喉，非常好飲。Thai 2.0真係一個勁好味嘅泰國菜餐廳！值得一提嘅係Thai 2.0嘅服務質素都好好，職員好友善。如果你中意食泰菜，又想食到好味又抵食嘅菜式，就一定要嚟Thai 2.0試吓啦！餐廳：Thai 2.0 (荃灣)地址：荃灣青山公路荃灣段398號愉景新城2樓2030號舖
