荃灣滿屋放題無限Order長腳蟹和極上拖羅點擊圖片放大 +3 復活節最後一日，嚟餐好嘅～我地揀左「D極緻餐」！超多野食，一入去見到自助取的凍海鮮有青口、蜆，還有沙律吧，有日式前菜、炸雞、薯條、蔬菜、咖哩任拎，仲有飲品種類超級多！！滿足每一個人既需求！極上拖羅、長腳蟹平時去出面啲壽司店係勁貴，去酒店食buffet仲要排勁耐隊咁攞嚟食。但係滿屋就任嗌，極上拖羅一啖入口即溶，油香四溢，好濃郁嘅魚香味，啲油脂都好細滑豐富，好好味！中拖都好正，魚味重d，肉質柔軟。長腳蟹好鮮美, encore左幾轉！刺身—赤海蝦、海膽刺身大大隻，仲要好新鮮，啖落去好彈牙，而且蝦頭仲有啲膏，而海膽刺身好鮮甜！甜蝦軟綿鮮甜。三文魚肥美油潤。北海道帶子size巨大又原身，嫩甜鮮美口感很好。香煎鵝肝、鮑魚食咗香煎鵝肝，仲有鮑魚！紅燒汁煮鮑魚必食，好入味，每人食左幾隻！好正呀，全部都係貴價嘅食材。一啖咬落去啲鵝肝好滑，加埋啲鮑魚，口感豐富。值得encore！避風塘炒蟹避風塘炒蟹好味，蟹肉鮮甜又彈牙，而且好香辣！個人覺得唔錯，推介！芝麻雞翼個皮炸得好香脆，啖落去雞肉鮮嫩黑椒芝士牛柳，好多芝士好香又拉絲，好滋味最尾就緊係要食埋出面的甜品山，同埋MÖVENPICK同Häagen-Dazs 雪糕😋😋😋
