荃灣足料西餐驚喜之選推介勁大隻帶子卡邦尼扁意粉 今日嚟海之戀探朋友新居入伙，早咗一粒鐘出門諗住嚟呢個商場食好嘢，見到呢間WM Café & Bar，有埋戶外位，不過我怕凍，所以揀咗室內位。龍蝦湯&番茄濃湯龍蝦湯居然有啖啖肉，好濃好夠杰身，非常濃味，濃而不膩、口感柔順，而且蕃茄湯好足料，番茄濃郁好酸香清新，蕃茄迷必試呀。 沙律生果作為頭盤非常開胃，令人提起食慾，酸酸甜甜，沙律菜夠新鮮！ 凱撒沙律,濃厚芝士味，沙律菜爽脆有咬口，芝士醬汁份量剛好，亦有麵包脆同煙肉脆，勁美味 芝士香煎珍寶帶子卡邦尼扁意粉選用扁意粉，軟硬度恰到好處，卡邦尼醬汁調味剛好，份量夠大碟，兩個人share都得。仲有好大隻帶子，鮮甜美味，仲有大量煙肉。 墨西哥手撕豬肉薄餅手工薄脆批底，食多幾塊都唔會滯，手撕豬肉超惹味，配料有菠蘿、青椒同芝士。推介 吉列炸蠔跟餐的炸蠔，炸得非常香口，平時唔食蠔嘅我地都大讚好食。 青檸幻影蝶豆花茶杯紫色特飲勁靚，一上枱就勁中意，配上青檸同一飲落味道有d似雪碧 熱綠茶正常味道，都唔錯評分9/10WM Café & Bar荃灣大河道100號海之戀商場3樓3094號舖Shop 3094, 3/F, OP Mall, 100 Tai Ho Road, Tsuen Wan
