🌟福岡大廚主理 全港最正壽喜燒閨蜜生日,當然要同佢食返餐好,我地二人暫時未有計劃去旅行,特意揀一間高質素的日本餐廳慶生。到達一瀧Ichitaki,電梯門一打開,彷如走進江戶時代,,設計團隊用上古江戶時代做背景,彷彿走進了充滿濃厚和風的懷舊世界,從視覺到味覺營造出有如置身日本一樣的環境。地方超大適舒,我地坐榻榻米座位,私隱度高,方便我地傾計,好好享用美食。🌟前菜我地揀咗青瓜昆布漬,用料非常新鮮,有日本准山配精選青瓜,醃潰得剛好,非常清新!🌟A4 宮崎和牛壽喜燒+棉花糖記得每次去福崗旅行都要食壽喜燒,呢間餐廳水準一流,媲美福崗最高級的餐廳的,一瀧Ichitaki由兩位日本福岡主廚主理,我地揀埋加棉花糖,這樣原本的醬汁就不額外加糖,食用時不加水,僅透過洋蔥、大白菜及豆腐等天然食材釋放出的水份。A4和牛油花分布好靚,三大塊食得夠滿足,和牛肉質嫩滑,牛肉味濃郁,沾日本生雞蛋使肉質更加滑嫩順口,建議大家都可以試試!我敢講呢個收貴,有呢個質素,係好抵食,以後不用去日本,想食壽喜燒都可以過嚟一瀧!🌟料理長刺身盛2人前刺身盛有五款刺身,賣相精美,全部都非常新鮮,有牡丹蝦、帆立貝、拖羅、池魚同鯛魚,牡丹蝦又甜又大隻,帆立貝爽口,拖羅上有金箔,十分奢侈,而且新鮮肥美,池魚同鯛魚味道鮮甜。🌟料理長時令壽司2件 賣相十分精緻,打卡一流,一啖食晒吞拿魚蓉、海膽及三文魚籽,相當鮮美。🌟雞全翼一夜干係熟悉的日本味道,鹽味烤雞翼,烤得外脆內嫩,令人回味無窮!🌟一瀧布甸最後當然嗌個布甸作為完結。布甸有淡淡雲尼拿香氣,入口非常滑,焦糖舖面用火槍燒得焦香,甜度剛好,完美。🍱餐廳: 一瀧Ichitaki🏫銅鑼灣登龍街1號金朝陽中心二期八樓☎️66333116點擊圖片放大 +24