天氣實左太熱啦, 連胃口都冇乜, 唯有食D甜品當晚餐, 行過見到呢間甜品鋪, 好吸引終是就入去喇點擊圖片放大 可能天都未黑曬, 人唔係好多, 但係環境好舒服, 有節奏輕快既歌聽住, 心情都輕鬆曬, 都冇咁熱 見到個test tube 2.0好過癮, 同埋個草莓泡泡好靚, 於是就叫左呢2款喇 首先出場既係test tube $68, 比我想飲中大好多, 左面係有比較清新既Oasis(椰子奶凍+菠蘿慕絲), 上面有椰子味jelly, 中層係菠蘿慕絲,底層係椰子奶凍, 好濃郁既椰子味道,配合埋菠蘿慕絲,我覺得好似去左沙灘飲緊一杯冇酒精既pina colada。 中間係伯爵紅茶奶凍,奶凍好幼滑,柏爵茶味好濃。 最後食特濃朱古力慕絲, 冇令我失望,朱古力味夠濃,加埋berries有d黑森林既感覺 草莓泡沫 $58, 上面係士多啤梨泡沫,有士多啤梨乳酪雪糕,玫瑰奶凍,士多啤梨panna cotta, 成個造型直頭係一件藝術品, 甜酸比例岩岩好, 夏天好多時會熱到冇胃口燥底, 但係呢間餐廳既甜品非常治癒, 食完真係心情暢快得多 Next Station Dessert 地址 旺角黑布街13號地舖 G/F., 13 Hak Po Street, Mong Kok 港鐵旺角站 E2 出口, 步行約7分鐘 電話號碼 2668 8355
