好耐無得飛去台灣啦！ 好想食下正宗既台式牛肉麵 見到銅鑼灣有間台灣黎既牛肉麵分店 一戰試一試 好彩有訂枱 一坐底已經好多人等緊位 入到去環境裝修都舒服 木系裝潢加上環境好闊落 岩哂朋友聚會 呢到要用QR CODE落單 但店員都會過黎主動介紹每款牛肉麵係點🫶🏻 ✨三寶麵粗麵 面頭鋪滿牛肉 有腱心牛肚牛筋 好足料 絕對滿足到牛魔王的朋友 牛腱睇落好厚身食落肉質軟腍 牛肚好入味 入口彈牙 牛筋都炆得好入味 湯底加左花椒八角仲有牛味濃郁 小小微辣 手工麵比起出面其他牛肉麵粗 食落口好煙韌掛汁 ✨招牌紅燒腱心牛肉麵 幼麵 碗面鋪滿腱心牛肉 非常厚身入味肉質軟腍 湯底都有小小花椒八角味 但三寶麵較為濃郁 手工幼麵比起粗麵更加掛湯😋 ✨鹽酥雞 份量岩2個人食😋 炸粉厚度適中 每件都好香脆juicy ✨紅油抄手 有花生碎芝麻係面 相當重口味同惹味 有6粒抄手 餡料有蝦 醬料配搭亦唔會好辣 食落岩岩好😋 ✨香芋珍珠奶茶 入口有濃厚的香芋味 奶茶香滑 叫左小冰小甜 珍珠都好煙韌😋 ✨胚芽珍珠奶茶 成杯滿滿的胚芽 每啖都飲到😋 茶味偏濃 小甜岩岩好 加埋煙韌既珍珠perfect! 整體全部野食份量真係好大份 2個人完全食唔晒 同埋啲甜品好似好吸引 下次可以叫多啲朋友一齊食埋😋😋
