「香港青年協會領袖學院」重新開放啦!!! 歷史建築物「前粉嶺裁判法院」已經活化為「香港青年協會領袖學院」啦🥳，近日開始重新對外開放。 剛過去既星期六，我地就參加咗佢嘅開放日，活動好豐富，好啱一家大細去玩👨👩👧😍😍建築物好靚，處處都係打卡位📸 「香港青年協會領袖學院」設5個院校，重點培育青年領袖。定期舉辦不同課程和工作坊，讓青年可以學習領袖技巧，提升個人才能。現址前身係 1961年啟用既前粉嶺裁判法院，屬於香港三級歷史建築。現時建築物保留當年法庭、拘留室等大部分原有建築細節，係本港歷史建築物成功活化嘅一大例子。👩👩👦開放日有一連串豐富活動同互動遊戲，唔單止學習到領袖技巧，仲可以深入地了解粉嶺。我哋參觀咗「粉嶺再發現」展覽，展品生動，令我哋了解咗好多粉嶺歷史。 展覽主題系「建築與自然、職人與藝人、家庭與社區」， 除咗有展板，仲有短片展示街坊的口述歷史。互動式展品仲可以動手玩，吸引到小朋友。🌍「未來領袖電子互動藝術體驗」以宇宙作為設計概念，並以恆星比喻不同的領袖特質。透過互動藝術體驗，發掘參加者既領袖潛能。囡囡透過呢個活動，更加認識自己嘅領袖特質。 「電玩訓練所」啱曬小朋友，🕹️🎮打機都學習到領袖技巧，「下一站。粉嶺 周末市集」結集本地特色手作、農產品小店、全球環保產品店。我同囡囡最鍾意手工攤檔，發揮小朋友嘅創意，囡囡仲第一次學識織草蜢添！ 我哋仲參觀咗營舍，樓高兩層，有2人房、4人房、10人房等，情侶、家庭或者一大班朋友都啱，房間設施好新淨，超抵住👍宜家入住有限時優惠，黎呢度staycation 都唔錯。❤️💗👩👩👦由即日起至2021年3月31日，凡登記營舍住宿、康樂活動或租用場地，均可享半價優惠，折扣後2人房間最平200元起。 ⭐🌟 3月13-14日有開放日並設有家長講座和工作坊等活動。開放時間：訓練大樓：星期一至日 10:00 - 18:00花園：星期一至日 08:00 - 21:00地址：新界粉嶺馬會道302號Official Website: https://leadershipinstitute.hk/zhFacebook: https://www.facebook.com/leadershipinstitute.hkInstagram: https://www.instagram.com/leadershipinstitutehk/
