Follow IG更多美食 Reels：@foodiegogoooo 獨特濃厚泰式冬蔭湯車仔麵 秘製喇沙湯底！花雕醉雞米線！我以為睇戲先可以有彩蛋，估唔到食飯都可以，呢間粉麵小店新開無耐，睇得出係小本經營，但裝修真係有心機，整到好似港產片嘅USJ咁，仲非常懷舊。佢地除咗主打湯麵同車仔麵，仲有超出色嘅肉餅飯，而且懷舊環境真係有彩蛋，仔細睇除咗電影海報，見到Mr.鞭、誘其父必誘其子、借叔一蕭呢啲戲名，我以為返咗80年代。點擊圖片放大 +3 🍜車仔麵 (三餸 $45)🌶️湯底/醬汁🥢秘製辣汁 / 秘製滷水汁 / 牛腩汁 / 百斤豬骨湯 / 秘製喇沙湯 (+$7) / 泰式冬蔭湯 (+$7)車仔麵最緊要個湯汁，呢到湯底真係夠濃，估唔到仲有喇沙湯揀，夠濃厚又掛到湯，另外枱面仲有辣菜脯任加，夠辣夠惹味。🥢陳皮魚蛋 🥢潮式豬紅 🥢雞湯蘿蔔🥢咖哩魷魚 (+$4)🥢瑞士雞中翼 (+$4)🥢柱候牛腩 (+$4) 🥢秘製豬頸肉 (+$4)呢到係其中部份招牌嘅餸，咖哩魷魚超惹味必叫，瑞士雞翼夠入味，蘿蔔軟腍清甜，整體啲餸都真係睇得出心機。 🍗酒糟話梅花雕醉雞米線($64；轉米線+$3)Menu仲有啲招牌口水雞、霸王雞、醉雞，呢款醉雞真係夠濃郁，而且雞件夠足料大大碟，呢個價錢都幾抵。 🍖香煎麻辣芫茜肉餅飯 ($55)🥓香煎家鄉土尤肉餅飯 ($56)最估唔到係啲肉餅飯，全部自家手打，即叫即煎帶點脆身，而且麻辣芫茜肉餅真係少見，麻香得黎帶芫茜清新，撈埋甜豉油同飯超正。-老陳麵檔 @oldchan2024🗺️上水新詳街13號地下📞5662 9129想看更多好餐廳推介 追蹤田中的IG/MeWe/FB吧！Instagram: @foodiegogooooMeWe: 田中小太郎 FoodiegogooooFacebook: Foodiegogo 田中小太郎Youtube: @foodiegogoooo聯絡田中:foodiegogoooo@gmail.com🌰#田中食上水 #香港美食 #香港旅行 #香港旅遊 #香港必吃 #上水美食
