Follow IG更多美食：@foodiegogoooo 淼屋 x 上環美食 | 第二位半價和牛鐵板鍋物 肥美北海道十勝牛🥩第二位半價！鐵板濃湯鍋二食❗️十勝和牛燒肉🥓濃郁玫瑰雞肉鍋🥘極多款八寸料理！日本料理有咁多種款式，好少可有一間可以一次過食哂，由燒肉、鍋物、刺身、揚げ物、吸物都有，食完都真係大滿足。呢間本身係樓上居酒，大師傅以前做開割烹料理，擅長做各種日本菜式，樣樣皆精，而今次主角緊係北海道十勝和牛。-🌸十勝A4和牛鐵板+鍋物二食 (第二位半價$340 / 原價$680)第二位半價嘅呢Set，總共大約15品，一次過食哂A4和牛鐵板燒肉同鍋物，仲有唔少師傅拿手嘅料理，例如八寸同揚物都非常出色。點擊圖片放大 +2 🔸沙律 - 黃金三文魚子胡麻豆腐沙律🔸八寸🥢自家制蟹膏蟹肉豆腐 🥢富山縣螢光魷魚沖漬🥢鮟康魚肝 🥢黑松露洋蔥魷魚一小口嘅八寸前菜，但師傅做得精緻出色，螢火魷魚、鮟康魚肝都有，每款都以鮮味為主，而且令人超開胃。🔸吸物 - 大蜆昆布味噌湯🔸刺し身 - 花之戀天使刺身盛刺身都唔係一般料，特別用上少見嘅法國天使蝦，仲有帆立貝、吞拿魚赤身、花之戀，非常足料。 🔸揚げ物 - 日本珍寶吉列蠔、五色有頭虎蝦唔好睇少呢兩款揚物，都係超珍寶Size，特別係珍寶蠔，剛剛僅熟內裡Juicy，一咬令人驚喜，真係小心辣咀。點擊圖片放大 🔸鍋物 - 日式雞肉雜菜鍋🔸焼物 - 北海道A4十勝和牛除咗鍋物同時仲有得燒肉，肥美漏油嘅十勝和牛，入口滲滿油脂香，最正係佢地隻秘製醬汁，濃郁得黎惹味，同和牛真係絕配。🔸甜品 - 日本開心果雪糕 / 精選日式甜品-淼屋🗺️上環蘇杭街57號Akvo酒店1樓📞31888005想看更多好餐廳推介 追蹤田中的IG/MeWe/FB吧！Instagram: @foodiegogooooMeWe: 田中小太郎 FoodiegogooooFacebook: Foodiegogo 田中小太郎Youtube: @foodiegogoooo聯絡田中:foodiegogoooo@gmail.com
