Follow IG更多美食：@foodiegogoooo 虎嘯 x 天后 | 原隻鮮甜嫩滑阿拉斯加長腳蟹 少見日蒸法國藍龍蝦🦀極度鮮甜！極巨型蒸氣長腳蟹❗️全港唯一日式蒸氣🦞矜貴法國藍龍蝦🦐花龍蝦刺身！腳長嘅蟹有好多種，而長腳蟹亦有來自唔同國家，出邊普遍都係俄羅斯/韓國，甚至乎係平價四釘油蟹，真正六釘嘅美國阿拉斯加長腳蟹少之有少。呢間長期超爆嘅日式蒸氣海鮮，之前出咗藍龍蝦已經夠罕有，今次再出埋真阿拉斯加長腳蟹，真係美國阿拉斯加黎，仲大隻過個鍋，超級誇張。-🦀100%真六釘阿拉斯加長腳蟹套餐 ($888位)全Set共18品，原隻真正阿拉斯加長腳蟹，仲有埋罕有法國藍龍蝦，呢個價錢超足料，同埋係新鮮蟹要早一日訂，仲有最少4位(因為太大隻蟹)。點擊圖片放大 🔸餐前小食🔹刺身頭盤🥢花龍蝦刺身、象拔蚌、油甘魚、北海道帶子、法國銀鱈魚、洒漬赤蝦、北寄貝其實呢Set有兩款龍蝦，除咗藍龍蝦，仲有花龍蝦做刺身，其實性價比超高，而且象拔蚌同銀鱈魚都係矜貴刺身。🦀阿拉斯加長腳蟹 (原隻上 4位約2斤)原隻超巨型霸氣上枱，保證生猛後，師傅會剪殼再上，超方便易拆，蒸到僅熟極鮮嫩，蟹身蟹腳都超多肉，鮮甜到極點，而且大隻過鍋絕對夠食。點擊圖片放大 🦞法國藍龍蝦 (每位半隻)呢款法國布列塔尼藍龍蝦，如果大家有留意米芝蓮三星嘅餐牌，某意菜法菜都一定有佢，平時極為少見，肉嫩鮮甜真心正。🦪北海道刺身級帶子之前連扇貝殼足足12cm長，而家拆肉轉用碗上，更加易飲到啲鮮甜肉汁，配埋海草同西京麵豉更濃郁，而且仲係刺身級，半熟超嫩。-🔹昆布醬油芥末韓國鮑魚🔸時令海螺 (當日 - 哈哈螺)🔹日式京葱醬油本地地雞韓國鮑魚用上昆布醬油提鮮，而雞件用上本地地雞，輕輕一醃令鎖緊肉汁，肉質非常嫩滑。點擊圖片放大 🔸長腳蟹甲羅蟹膏烏冬師傅將先前長腳蟹嘅所有蟹膏，拆起用上長腳蟹蓋裝住，分分鐘多過烏冬嘅蟹膏，同烏冬一齊蒸起，濃郁蟹膏包住每條麵。🔹新鮮野菜盛合🔸長腳蟹藍龍蝦海鮮精華日式雜炊花龍蝦頭、藍龍蝦頭放入雜炊粥底，仲有蒸阿拉斯加長腳蟹、海鮮、雞油嘅精華，滴哂落去，啖啖鮮甜，仲有啲龍蝦膏。🔹日式甜品 - 芝士蛋糕🍹自家製洛神花茶值得一提嘅係，洛神花茶係佢地自家煲製，酸酸甜甜超開胃，飲得出係足料熬製，連粒冰都係超有型嘅龍蝦造型。-虎嘯日式蒸氣海鮮刺身專門店 @koshuo.hk 🗺️天后電氣道54號亨環天后5樓📞28871028🦞本身仲有個法國藍龍蝦Set，$588有二十二品，超級足料抵食。想看更多好餐廳推介 追蹤田中的IG/MeWe/FB吧！Instagram: @foodiegogooooMeWe: 田中小太郎 FoodiegogooooFacebook: Foodiegogo 田中小太郎聯絡田中:foodiegogoooo@gmail.com
