Follow IG更多美食：@foodiegogoooo 小神燈新派飯館 x 將軍澳美食 | 懷舊功夫粵菜 爆膏鮮味糯米炒蟹🥘懷舊粵菜！刁鑽功夫脆焗魚腸❗️爆膏膏蟹炒糯米🦀原條燒慢煮牛肋🥩鑊氣蟹肉炒粉絲鍋！早係田中細個，同老豆出街食飯果陣，已經聽過焗魚腸買少見少，全因處理功夫麻煩又細膩，估唔到N年後(隱藏年齡)係呢到見到。呢間菜館店名本身係間已結業嘅老店，為咗重現經典粵菜，近年有人將佢復刻重開。仔細一睇餐牌，唔少都係懷舊功夫菜，出邊已經好難搵，呢區就更加少有。 🥘招牌焗魚腸 ($108)如上邊提到，呢道懷舊粵菜功夫繁複，要做得好，魚腸要甘香唔腥，散發魚脂淡香，表面焦脆內裡足料，連埋必備胡椒粉上，真係超經典。點擊圖片放大 🥩原條燒慢煮牛肋骨 ($388)霸氣原條上枱，牛肋骨慢煮入味，脂香肥美，最驚喜係份燒汁，超惹味濃郁，仲有真係足料大份，最好多啲人Share。🦀糯米炒膏蟹 (晚市優惠$428 原價$568)睇相都見膏蟹大隻爆膏，炒得極為甘香，撈埋糯米超級邪惡，滲入鮮味之餘，仲有微微飯焦，而且膏蟹夠大隻，內裡蟹肉都夠鮮嫩。點擊圖片放大 🥓香茜蟹肉銀絲鍋 ($98)原鍋上枱，火喉十足，炒得極乾身香口，配上鮮甜蟹肉，仲有啲蟹籽鋪面，夠足料。🥃我不是茅台 - 是日老火靚湯 ($118)外形超打卡able，其實即係2-3位份量嘅老火靚湯，重點係真係足料老火，上枱嘅湯渣仲多過湯，雖然只係湯渣，但證明超足料。-小神燈新派飯館 @lanterngarden.jr 🗺️將軍澳調景嶺彩明街1號彩明商場2樓251-252號舖📞25060428想看更多好餐廳推介 追蹤田中的IG/MeWe/FB吧！Instagram: @foodiegogooooMeWe: 田中小太郎 FoodiegogooooFacebook: Foodiegogo 田中小太郎聯絡田中:foodiegogoooo@gmail.com
