Follow IG更多美食：@foodiegogoooo 令 Decree by T x 中環美食 | 日法新派Omakase 雙海膽黃金魚子醬花膠🍱超乎想像！融入五星法菜風格❗️頂級白紫雙色海膽🥓黃金魚子醬🥘極濃郁冷泡花膠！好多人以為Omakase一定係拘謹莊重，但其實田中遇過嘅師傅，大部份都係風趣幽默，今次呢間直頭係Top 1，High-end得黎散發快樂嘅氣氛，呼應返新派嘅風格。而用料份量方面，直頭係不計成本，疊到厚一厚嘅雙色海膽，魚子醬、花膠、刺身魚料都係頂級足料，就算未見嘢食，剩係聽到隔離枱反應都知豐富。-🍽️ T's Dinner Choice ($2080)❇️二十品包括前菜及料理8道、壽司8貫、卷物、玉子燒、湯、甜品來自五星級酒店嘅大將Thomas，將五星級法國菜嘅經驗，運用係日式Omakse入邊，即使係同一款食材魚料，新派手法都可以係前所未見。點擊圖片放大 🔸熟成中托羅捲海膽🔹黃金煙薰魚子拖羅脆撻第一道前菜已經與別不同，擺盤精緻之餘，足料地鋪滿魚子，內裡松露油拌上拖羅，鹹鮮濃香層次豐富，第一啖已經先聲奪人。🔸牡舟蝦薄切剩係外形已經必須留意，就係上圖外形扁平，鋪上水晶球同花瓣果道，師傅先將牡丹蝦打平做成薄切，水晶球包住濃郁蝦汁，拌埋兩者蝦味鮮濃到極。🔹富山白蝦 (昆布 蝦頭殼粉)🔸赤貝🔹鮟鱇魚肝威化餅將鮟鱇魚肝一層層夾起，做成威化餅狀，前所未見嘅精緻，一層脆一層軟，再混入爽甜蘋果，鋪上山楂絲，鮮濃得黎味道出奇地夾。點擊圖片放大 🔸北寄貝 (熱石烤香)🔹千葉縣金目鯛🔸蝦夷馬糞海膽蒸蛋呢道就係上圖嘅烏巢鳥蛋，馬糞海膽多得誇張之餘，底下蒸蛋加入極多海鮮調味，啖啖鮮甜。🔹肝醬鮑魚 拌墨魚汁米片1️⃣只睇精緻外形，真係估唔到要分開3日，每日3個小時去製作，鮑魚軟腍，味道層次特別豐富，而鮑魚肝醬就泡打入空氣，出奇地比平時淺色，亦更加綿滑。2️⃣師傅另外遞上風乾魚子醬，魚子醬都變成薄脆，但保留魚子醬嘅鹹鮮，完全顯出分子料理嘅風格。🔸大分鯖魚押田中食過最好食嘅鯖魚押之一，糖鹽醋調味剛好，鋪上昆布片芯，入口層次非常豐富，而且魚香四溢。🔹太刀魚太刀魚厚切，魚皮塗上蔥油，再放上熱石，即時散發蔥油飄香，魚皮油香亦非常豐富。🔸冷泡花膠矜貴花膠大件厚肉，乾蒸再浸7日長時間製作，綿滑入味又保留口感，再用上日本蜆肉汁調味，更加濃郁鮮甜。🔹白海膽紫海膽手卷睇相都見幾誇張，用上頂級白紫兩種海膽，極重本地鋪到滿一滿，根本一件已經係平時全餐嘅份量，海膽極為鮮甜，入口超級幸福。點擊圖片放大 🔸腦天 (吞拿魚1%部位)、煙燻黃金魚子醬🔹宮城旋網野生拖羅 (熟成3星期)🔸海鮮卷物 (超巨型捲上帶子、蝦、大拖羅、玉子燒、芽蔥)🔹江戶前玉子燒 (無麵粉 加入墨魚、椎山)🔸白身魚湯 (特意用槍泡打成綿滑口感)🔹自家西瓜雪糕 (加入話梅粉、天婦羅碎)-令 Decree by T @decreebyt 🗺️中環閣麟街46-48號Foco22樓📞98227957🗺️尖沙咀棉登徑7-9號地下B號舖📞6821 6212❇️如果想訂大將Chef Thomas嘅話，記得預早訂枱！想看更多好餐廳推介 追蹤田中的IG/MeWe/FB吧！Instagram: @foodiegogooooMeWe: 田中小太郎 FoodiegogooooFacebook: Foodiegogo 田中小太郎聯絡田中:foodiegogoooo@gmail.com
