Follow IG更多美食：@foodiegogoooo 小胖台灣便當 x 旺角美食 | 大大塊拉絲夜市雞扒 台式便當手搖珍珠Q果凍飲🇹🇼旺區新店！抵食大份台灣便當❗️極多款夜市小食🍗超巨型士林雞腿🧀邪惡拉絲雞排！話說田中當日黎食撞到朋友，傾咗兩句發現，好多人都係比門口隻肥仔吸引咗入黎(尾圖)，真係個生招牌。呢間新開台灣菜走抵食路線，主打大大份台灣便當，仲有唔少夜市小食，而且環境舒服溫暖，坐多陣飲杯珍奶都唔錯。點擊圖片放大 🍗士林鹽酥大雞腿便當 跟冷泡茶 ($68)雞腿超級巨型，炸得外酥內嫩，外層調味惹味香口，非常邪惡，同正宗台灣便當一樣，鋪滿大量唔同配菜，就算食哂成塊都唔膩。🍖士林藥燉排骨 跟肉燥燙青菜、飯、冷泡茶 ($74)湯頭甘甜，藥膳味濃郁，排骨其實類似肉骨茶，肉質偏瘦，但勝在湯底香濃，相對上冇咁邪惡，鐘意藥膳養生嘅朋友一定鍾意。點擊圖片放大 +2 夜市小食：🧀夜市雞排 - 芝芝雞 ($42)同樣外脆內嫩嘅雞扒，鋪滿芝士都算，仲要係兩層雙色芝士，濃香邪惡之餘，睇相都見一拉超級拉絲。🦑夜市炸魷魚 ($38)🌶️麻辣鴨血 ($38)🥓酥酥咸香香菇 ($32)呢到仲有唔少夜市小食，例如香口惹味嘅炸魷魚、大大件麻辣入味嘅厚鴨血、極酥脆炸香菇，而且價錢唔貴，可以叫滿一枱Share。🥬香蔥油燙青菜 (便當追加 $14) 飲品：🧋手搖凍飲 - 珍珠奶茶、百香Q果綠茶 (+$6)🥤冷泡茶 - 梔子花綠茶、芙香蘋果茶 (跟餐送)呢到嘅台式特飲都值得一試，大大杯又唔會太多冰，味道夠濃，而且咁大杯跟餐都係加6蚊，冷泡茶仲要免費跟，都係大大支。-小胖台灣便當 @chubbybento.hk 🗺️旺角彌敦道591號豐怡中心1樓全層想看更多好餐廳推介 追蹤田中的IG/MeWe/FB吧！Instagram: @foodiegogooooMeWe: 田中小太郎 FoodiegogooooFacebook: Foodiegogo 田中小太郎聯絡田中:foodiegogoooo@gmail.com
