Follow IG更多美食:@foodiegogoooo SUIT Izakaya x 上環美食 | 中上環小區西日Fusion 油香盡滲脆皮三黃雞飯🥘非一般驚喜!滲盡三黃雞精華❗️極精緻西日料理🍗慢煮肥美乳鴿🥓麻香有馬煮鮮魚!講到西式同日系嘅Fusion,有時係日式西餐,有時會係西式日本菜,係有少少唔同,而呢間就係偏向西餐做基底,擺盤都特別精緻。而呢到環境走現代風格,落地玻璃兼夾型格,夜晚燈光微微昏暗有Feel,除咗適合Causal嘅撐枱腳,都有唔少人係黎聚會飲兩杯。點擊圖片放大 +2 🍗慢煮香煎乳鴿 Pigeon ($168)乳鴿呢種食材已經肥美肉嫩,再慢煮到肉質粉嫩,將外皮炭燒,啖啖肥美脂香,同時散發橙油同陳皮香氣,酸甜中和膩感,超有驚喜。🥓有馬煮是日鮮魚 Market Fish ($228)呢道菜重點在於醬汁,用上日本有馬煮嘅做法,加入幾種山椒藤椒,麻香精華層次豐富,麻而不辣唔會過濃,突出魚肉鮮嫩。 🥘三黃雞飯 Yellow Chicken Rice ($268)1️⃣田中當日都聽到隔離枱讚不絕口,做法類似煲仔飯,用上肥美肉香嘅三黃雞,烤成脆皮之餘逼出雞油。2️⃣而珍珠飯再用菇菌同高湯煮成,滲盡雞油同菌香精華,淋埋特製蔥香醬油,真係清到一粒不留。點擊圖片放大 前菜小食:🍘海苔油甘魚卷 Fish Mosaic ($168)經典嘅Fish Mosaic,海苔提鮮,卷住一件件肥美油甘魚,外形真係治癒誘人,再配上鮮甜高湯,真係一啖接一啖。🥩牛肉他他2023 Beef Tartare 2023 ($168)田中估計呢個2023,係重新設計新出嘅意思,牛肉他他混入麥粒味噌,配上日本生蛋同腐皮,成件事和風得黎又有衝擊。🍆黑茄子 All in Auburgine ($118)甜品:🍨味噌芭菲 Miso Parfit ($108)味噌雪糕甘甜濃厚,值得一提嘅係,外層酥皮似足拿破崙,但其實係用上腐皮做成,質感非常驚喜。🍶120分鐘任飲Sake ($350)逢星期四到星期六都有,又或者可以試下Pairing,都係$208/3杯,或者$308/5杯,放心唔係Sake杯嘅Size,都幾大杯。-SUIT Izakaya @suit_izakaya🗺️上環蘇杭街89號地舖📞52030398#上環美食 #中環美食想看更多好餐廳推介 追蹤田中的IG/MeWe/FB吧!Instagram: @foodiegogooooMeWe: 田中小太郎 FoodiegogooooFacebook: Foodiegogo 田中小太郎聯絡田中:foodiegogoooo@gmail.com