Follow IG更多美食:@foodiegogoooo Fika x 坑口美食 | 高質隱世手工小店 拉絲薄餅酥脆焦糖蘋果金寶🦐高質小店!啖啖西班牙紅蝦膏❗️邪惡拉絲薄餅🍕極粉嫩炭燒黑毛豬🍖濃香蘋果金寶!講起西班牙紅蝦意粉 (唔係阿根廷紅蝦),田中見過最貴嘅要成$1200一碟,就算自己訂一盒蝦,閒閒地都要千幾蚊,就知幾矜貴。呢頭要搵小店真係唔易,佢地主打精緻手工菜式,位置黎講今次真隱世,黎嘅都係附近街坊,環境有格調得黎溫馨,真係有hidden gem嘅感覺。點擊圖片放大 +2 🍕傳統美式辣肉腸薄餅 ($168)鋪滿脂香辣肉腸,加上邪惡半溶芝士,一扯拉絲滿瀉,再留意一下薄餅皮,超香脆有質感,Pizza控真係必叫。🍖FIKA炭燒西班牙黑毛豬梅頭 烤日本甜薯 ($298)黑毛豬梅頭烤至七成熟,外焦脆內粉嫩,黑毛豬肥美肉味濃,連燒汁都係牛骨熬成,睇得出大廚心機,留意仲有件邪惡芝士啡菇。-🦐西班牙紅蝦蝦汁扁意粉 ($388)1️⃣西班牙紅蝦一向矜貴,全因蝦味蝦膏真係極濃郁,閒閒地過千一盒,呢到呢個價錢,真係隱世小店先做到。2️⃣聽店員講,呢到用上大量蝦肉蝦殼熬出蝦湯,再擠出紅蝦頭膏,包住每條意粉,啖啖濃郁鮮甜,超級幸福。點擊圖片放大 🥗香橙八爪魚冰菜海葡萄沙律 ($118)灸燒八爪魚搽上柑橘香草汁,鮮甜味道超驚喜,散發淡淡柑橘香,而且少有用上冰菜同海葡萄,超有心思。🍨招牌FIKA焦糖蘋果金寶 配意大利雪糕 ($88)上層牛油濃香焦脆,下層蘋果香甜,配埋正宗淡黃嘅意大利雪糕,冷熱交融冇得輸。-Fika @fika.hanghau🗺️將軍澳坑口村24號地舖📞63139286想看更多好餐廳推介 追蹤田中的IG/MeWe/FB吧!Instagram: @foodiegogooooMeWe: 田中小太郎 FoodiegogooooFacebook: Foodiegogo 田中小太郎聯絡田中:foodiegogoooo@gmail.com