Follow IG更多美食：@foodiegogoooo 螢火 x 尖沙咀美食 | 抵食足料活澳洲龍蝦鐵板燒 霸氣火焰清酒煮蜆🇯🇵抵食足料！龍蝦膏包滿龍蝦肉❗️原隻游水澳洲龍蝦🦞鮮甜清酒煮蜆🥘黑魚子帶子！話說今次又有彩蛋，大家拉到上圖最右，就會見到田中天燈佔領餐廳。因為呢到有部iPad，比大家寫天燈許願，可以打個靚卡。而呢到除咗有鐵板燒，仲有壽司Omakase，大家可以留意下邊價錢，Lunch真係性價比極高，鐵板燒/Omakase黎講少有地抵食。-🦐午市套餐 - 星/月 (一人前 $380位)🦞商務特選午餐 (二人前 $640位)1️⃣Lunch價錢有兩個，少有地可以抵到$380位，而貴啲嘅主要分別，就係會有原隻澳洲龍蝦(兩位)。2️⃣包括沙律、澳洲龍蝦、黑魚子帆立貝、清酒煮蜆、美國牛肉薄燒或厚燒/黑豚肉、樱花蝦炒飯、漬物、龍蝦清湯、甜品或咖啡點擊圖片放大 🦞新鮮原隻澳洲龍蝦原隻新鮮游水，師傅先拆龍蝦頭膏，做成膏醬包住龍蝦肉球，將龍蝦板燒做9成熟，肉質鮮甜爽口，就算唔落鹽都鮮味濃郁。🦪北海道刺身級帶子帶子煎香兩面，刺身級嘅關係，可以煎到半熟鮮嫩，再鋪上俄羅斯魚子，淋上啱啱嘅龍蝦膏汁，鮮甜無比。點擊圖片放大 🍲清酒煮蜆田中食過最好食嘅煮蜆，師傅先霸氣灑酒點火，揮發出酒精濃香，大蜆大隻鮮嫩，而湯汁更鮮甜得誇張，令人極難忘。🥩美國牛柳厚燒🥓黑豚肉牛柳厚燒肉汁豐富，而黑豚肉用上鬈毛豬肉眼，筋膏肥香，兩者都配上獨子蒜同芥辣，油香而不膩。🥘櫻花蝦蛋炒飯配燶邊太陽蛋鐵板燒火喉夠大，將炒飯炒到粒粒分明，鑊氣十足，蛋絲都炒得微脆，配埋櫻花蝦更帶有鮮味。🫕龍蝦清湯值得一提嘅係，會用上一開頭隻龍蝦，頭抓斬件煲成龍蝦清湯，啖啖鮮甜。 🍱Lunch Omakase ($488)包括前菜、茶碗蛋、壽司12貫、手卷 或 海膽杯、烏冬 (冷/溫)、甜品或咖啡1️⃣先講壽司，呢個價錢少有地有足足12貫！而且都係高級魚料，例如海膽、大拖羅、赤鯥、金目鯛、魴鮄、深海池魚、牡丹蝦、象拔蚌，絕對足料。2️⃣就連蒸蛋都鋪上黑魚子、三文魚子，而海膽杯除咗海膽，仲有黑魚子、蟹肉、三文魚子、拖羅蓉，前菜係螢光魷魚，烏冬仲要係白身魚濃湯底。-螢火 @hotaru_teppanyaki_omakase🗺️尖沙咀尖沙咀東部加連威老道96號希爾頓大廈LG樓1號舖📞2151 8133❇️順帶一提，呢到VIP房都有3間，有大有細，平時黎都有唔少人包場，大家可以一試，而且接受電子消費劵。想看更多好餐廳推介 追蹤田中的IG/MeWe/FB吧！Instagram: @foodiegogooooMeWe: 田中小太郎 FoodiegogooooFacebook: Foodiegogo 田中小太郎聯絡田中:foodiegogoooo@gmail.com
