Follow IG更多美食：@foodiegogoooo GOGO Rock x 旺角美食 | 低至$2XX買紅酒送主食 限時送生蠔🥩極抵食鋸扒！仲要每位送生蠔❗️情調環境平民鋸扒🥓開紅酒送主食🍷烤西冷牛扒！平時出去食飯，叫杯普通House Wine可能已經100蚊，仲要未必係好飲，大家再望下呢到價錢，就知有幾抵玩。二百零蚊做到有紅酒有生蠔有牛扒，仲要係一整支法國波爾多紅酒，而且昏暗環境有情調，完全對得住價錢。點擊圖片放大 🦪自選即開生蠔 (免費)每日大約5~8款時令生蠔，例如有法國白川Mont Blanc、法國馬田St Martin、南非Saldanha Bay，亦有韓國、愛爾蘭、澳洲、西班牙等等嘅選擇。🎁而且仲做緊每位送一隻生蠔 ($54或以下)，只要同店員講優惠碼"Gogorock02"，叫一份主菜/套餐就會送，抵得誇張，做到4月30號。點擊圖片放大 +2 🍽️主菜+紅白酒限定組合 ($228/$238)極抵食嘅Dinner Set，其實概念就係開支酒送主菜，平平地飲酒鋸扒，性價比真係極高，而且主菜Menu每個星期都會更新。🍷Chateau Du Coureau Bordeaux A.O.P.法國波爾多一向係最出名嘅紅酒產區，AOP亦係法國原產嘅高級別認證，呢到原支咁上，估唔到呢個Set嘅價錢都飲到。🥂Mariengold Deutscher White Wine呢支半甜白酒，就完美照顧冇飲開酒嘅朋友，味道偏向甜身，超級容易入口，啱哂朋友聚會飲兩杯。🥩西冷牛扒配砵酒汁🍖炭燒豬扒配欖醬主食雖然係送，但完全對得住價錢，夠足料大份，平平地鋸扒之餘，配菜擺盤唔馬虎，薯蓉更加濃香得有驚喜，超級滿足。 🍘黑松露炸意大利飯球 ($78)而且都有唔少單點小食，例如呢款脆飯球比較少見，拌上肉粒炸得焦脆，沾上濃香黑松露醬，真係非常香口。 🍹呢到環境昏暗有情調，唔少人都會特登黎飲下嘢，叫杯Cocktail或Mocktail咁，例如Pink Hawaii ($98)、Virgin Hawaii ($68)，味道都係甜身易入口。❇️而且每日3點至8點，Mocktail/Cocktail/啤酒/ 紅酒/白酒都買二送一！-GOGO Rock @gogorockhk🗺旺角砵蘭街180號地下A號舖📞2779 9251想看更多好餐廳推介 追蹤田中的IG/MeWe/FB吧！Instagram: @foodiegogooooMeWe: 田中小太郎 FoodiegogooooFacebook: Foodiegogo 田中小太郎聯絡田中:foodiegogoooo@gmail.com
