Follow IG更多美食：@foodiegogoooo Double Dip x 元朗美食 | 多層次鵝肝黑松露醬威靈頓牛柳 粉嫩法國鴿肉🥩低調隱世！非一般邪惡威靈頓❗️金黃酥皮原件鵝肝🥓粉嫩法國鴿肉🦞爽甜鮮龍蝦！呢頭高級西餐唔多，但田中想講嘅係，呢間就算特登入黎食都值得，因為真係第一次見咁邪惡嘅威靈頓。威靈頓無論酥皮、鵝肝醬、黑松露、風乾火腿，都係一向誘人，但出色嘅真係唔多，今次呢到仲加入原隻鵝肝，而且價錢遠遠抵過市區。 🥩威靈頓牛柳 (原件二人份 $398)外層酥皮金黃誘人，原隻鵝肝肥美，攝入黑松露醬同牛柳之間，鋪埋油香風乾火腿，一切開油脂同肉汁混為一體，啖啖極肥美甘香。-🥓5-course Dinner Menu ($788/位)呢五道菜內容經常會轉，訂位時記得留意，而另外亦有較抵食Set Menu，可以一試大廚手勢。點擊圖片放大 +2 🦀前菜：蟹肉牛油果沙律 • 合桃餐包配自家桂花牛油🥓油甘魚 • 黄檸 • 茴香 • 辣根一整片厚切油甘魚，本身已經極肥美，搭配檸檬同辣根兩款醬汁，開胃微酸，同魚脂油香絕配。🦞波士頓龍蝦 • 西芹 • 香檸檬 • 橘香牛油汁龍蝦煎得啱啱好熟，睇相已經想一啖咬落去，肉質極為爽彈，鮮甜而肉汁豐富。點擊圖片放大 🦪鮮鯛 • 貝類 • 香蒜薯泥 • 香茅海鮮汁新鮮鯛魚本身一向鮮甜，搭配貝類鮮味更豐富，而個薯泥真係夠哂惹味濃香，🍗法國白鴿 • 香料 • 黑蒜車厘子 • 馬德拉酒醬亦即係法國正宗血鴿，煎到半熟粉嫩，外層焦香鎖緊肉汁，而且肉味極為濃郁，黑蒜車厘子更提升肉香，令人超難忘。🍨比利時朱古力 • 焦糖香蕉 • 柚子 • 芝麻幾款用料非常見配搭，其中比利時朱古力真係超濃厚，酸甜柚子中和，芝麻雪糕香口，味道層次豐富。-Double Dip @double.dip_hk🗺️元朗安寧路172-190號安寧樓地下A號舖📞55482847想看更多好餐廳推介 追蹤田中的IG/MeWe/FB吧！Instagram: @foodiegogooooMeWe: 田中小太郎 FoodiegogooooFacebook: Foodiegogo 田中小太郎聯絡田中:foodiegogoooo@gmail.com
