Follow IG更多美食：@foodiegogoooo X-1493 辣雞製造 x 大角咀美食 | 油脂香濃爆汁仿炭火烤雞 拉芝酥脆脆薯🍗用上死神辣椒！爆汁燒雞專家❗️十款斷魂辣醬🧀鐵板拉芝酥薯🌶️酥脆嫩魔鬼魚！200萬度SHU卡羅萊納死神辣椒，聽名已經知道夠辣，呢到有個招牌10款醬料轉盤，轉一轉隨機小辣或爆辣，真係一抽入魂。而呢間新店明顯主打燒雞，一入黎已經見到個仿炭火烤雞爐，而且都係用上無激素日本靚雞，放滿檢測證書，絕對係專家。點擊圖片放大 🍗皇牌烤爆汁雞 ($288 需預訂)🥗任食自助沙律吧 (+$28)呢到全部用上日本靚雞，肉質唔需要懷疑，雞油脂同肉味濃郁，重點係烤嘅過程火喉剛好，鎖緊肉汁，一撕真係爆汁，睇相都見非常嫩滑。🌶️醬料：▪️薑葱蛋黃醬 ▫️水牛城辣醬 ▪️蜜糖芥末醬▫️柑桔酸辣醬 ▪️煙燻辣茄醬 ▫️煙燻辣椒鹽▪️享辣原味粉 ▫️蒜香辣味粉 ▪️海鮮辣味粉▫️獨辣辣辣油 ▪️斷魂剁椒醬 (最辣)足足10款醬料任配，雖然好幾款都加入X-1493死神辣粉，但其實當然辣度經過調製，有大辣有小辣，成件事更加刺激。點擊圖片放大 🧀焗拉絲芝士酥薯粒 ($78)必叫之一，鐵板一上枱仲滾緊，芝士熱溶拉絲，重點係薯粒𠝹過，焗得酥脆，而且超有層次。🥓魔鬼魚塊 ($88)少有地用上魔鬼魚，粒粒炸香，外脆內嫩，而且真係帶有濃郁鮮味，沾埋上邊10款醬料一流。🌽拖肥牛油粟米 ($48)🥖一口炸雞塊 ($68)🥨鹽酥雞腎 ($68)點擊圖片放大 🥘麻辣雞煲 ($78)🍖麻辣豬手粒煲（$78)呢到除咗香辣，亦有麻辣，而且都係自家調製，而且豬手都係來自日本，綿滑又膠質豐富，令人難忘。-冷盤小食：🥢香辣雞翼尖 ($48)🥢酒糟杞子浸小春子 ($58)作為雞料理專門店，除咗烤全雞，其實由雞內臟到雞子，呢到都有得食，特別係款酒糟雞子，真係驚喜地入味好食。-🍫Shake Shake 辣粉雪糕球 ($78)配上Shaker杯，加入辣粉同雪糕後，大家可以自己Shake，然後店員再點火淋酒，而朱古力一向同辣味超夾，玩法定味道都超過癮。順帶一提，自家調酒亦係呢到主打，上邊嘅嘢食都超啱佐酒，聚會一流，一班人黎食就啱哂。-X-1493 辣雞製造 @spicychickenx1493🗺️大角咀嘉善街39號地舖📞3590 3787想看更多好餐廳推介 追蹤田中的IG/MeWe/FB吧！Instagram: @foodiegogooooMeWe: 田中小太郎 FoodiegogooooFacebook: Foodiegogo 田中小太郎聯絡田中:foodiegogoooo@gmail.com
