Follow IG更多美食：@foodiegogoooo Maek Jeok x 灣仔美食 | 罕見乾式熟成28日 濃香厚切牛肉韓燒🇰🇷燒肉控必到！少有熟成肉韓燒❗️肉香特別濃厚🥩自家28日熟成🥓霸氣厚切肉眼扒！乾式熟成牛扒本身係西式概念，牛扒外層慢慢風乾，鎖緊肉芯嘅水分，同時肌肉纖維又會慢慢分解，肉質更濃香軟熟。而韓燒用上自家熟成肉排，香港非常少有，呢到門口一大個熟成櫃，乾式熟成足足28日，雖然矜貴，但份量質素真係對得住價錢。🍱Steak Omakase Selected Cuts ($720/位)- Menu不定時會轉，當日係季節沙律、醬油盛合(刺身帶子+牡丹蝦)、四款自家熟成肉排、水冷麵/韓式海鮮湯飯、甜品、任添約5款泡菜前菜🥗季節沙律、任添約5款泡菜前菜韓國菜必備開胃前菜，泡菜都係自家生拌，唔會過份濃味，而其實全Set肉類份量超多，泡菜任食正好開胃解膩。🥘醬油盛合(刺身帶子+牡丹蝦)田中最愛醬油海鮮，呢到少有地用上大大隻牡丹蝦，本身牡丹蝦已經鮮甜，肉質軟綿爽滑，醬油後更加惹味濃郁。 🥩自家熟成肉排 (四款)- 牛小排、豬梅肉、五花肉、肉眼扒1️⃣正如上邊提到，其實份量超大，睇下件熟成肉眼就知，霸氣厚切一大磚咁燒，2位分分鐘夠4位食。2️⃣牛肉都係用上USDA Prime牛，經過28日熟成後，肉味特別濃厚，而且啖啖肉感十足，完全係食肉獸天堂。3️⃣而五花肉燒灸後滲出豬油，肥美得誇張，同時亦會配上生菜盛，夾住惹味韓式大醬，中和膩感可以瘋狂咁食。-🍜水冷麵/韓式海鮮湯飯🍰是日甜品 - 韓國米酒Tiramisu點擊圖片放大 其他單點燒肉：🥩韓牛肉眼 (330g)而作為韓國菜，當然都有招牌韓牛，亦有未經熟成嘅鮮肉，爐上燒灸過後，又係另一種肉脂油香。🦐紅竹蝦🥓韓國鰻魚海鮮例如有大大隻紅竹蝦，肉質結實，好彩嘅話仲會爆膏，同埋韓燒必食長鰻魚，燒得皮脆，又有啖啖肥美魚脂。-Maek Jeok🗺️灣仔港灣道30號新鴻基中心1樓104, 104A, 105A 及 106-108號舖📞26090599想看更多好餐廳推介 追蹤田中的IG/MeWe/FB吧！Instagram: @foodiegogooooMeWe: 田中小太郎 FoodiegogooooFacebook: Foodiegogo 田中小太郎聯絡田中:foodiegogoooo@gmail.com
