Follow IG更多美食：@foodiegogoooo 天澗居酒屋 x 元朗美食 | 超滿足蟹蟹蟹宴 松葉蟹蓋甲羅燒海膽丼🦀極度幸福！鮮甜松葉蟹二人宴❗️十道菜盛宴🍱海膽松葉蟹丼🦪濃郁松葉蟹蓋甲羅燒！日本菜食材新鮮係基本，但最極致嘅，就係連張Menu都新鮮。佢地每日會根據當日時令，即印一張新Menu，如果遇啱鐘數，張紙可能仲暖添。小店新開幾個月，雖然叫居酒屋，但其實係間隱世日本料理，仲有壽司刺身，主打每日最新鮮嘅食材，正如上邊講，睇張Menu就知幾新鮮。-🦀十二月限定 松葉蟹二人宴 (二人共$1,888)先介紹今個月嘅主題Menu，為聖誕/年尾大餐而設，足足10道菜，二人除開每道平均都係$100，而且8道都用上松葉蟹，剩係蟹腳都有3種食法，鮮味豐富到極。🥢季節前菜2品- 柚子酸汁鱈魚白子、安鱇魚肝配西瓜漬前菜亦非一般前菜，呢日嘅兩道都係近期時令當造，安鱇魚肝更配上自家西爪漬，甘香中帶酸甜。 🥢松葉蟹刺身 & 時令刺身睇相都見誘人嘅蟹腳刺身，晶瑩通透，入口鮮嫩又帶海水味，非常幸福，而當日刺身係北海道厚岸生蠔，一如日本蠔一樣濃甜。點擊圖片放大 🥢松葉蟹腳凍食同上邊刺身唔同，呢款係輕輕煮熟後凍食，煮熟後谷氨酸鮮味更濃，更加鮮甜。🥢海膽松葉蟹丼非常滿足嘅丼飯，鋪上滿滿海膽，拌埋蟹肉同三文魚米後，鮮味更加爆發。🥢蟹腳天婦羅全餐第三種食法嘅蟹腳，外脆內超嫩，當然亦非常鮮甜。點擊圖片放大 🥢松葉蟹蓋甲羅燒1️⃣全餐重點之一，海量松葉蟹肉、蟹膏、流心鵪鶉蛋，拌埋一齊之後真係極濃鮮。2️⃣值得一讚嘅係，旁邊嘅多士真係非常香濃，而甲羅燒亦調味剛好，鹹鮮恰到好處。🥢蟹肉茶碗蒸🥢蟹腳味增湯睇相都見到，一款配蟹鉗，一款配蟹腳，即使食到最尾，依然啖啖鮮蟹，非常足料。🥢甜品-而即使唔食蟹宴，正如上邊提到，呢到仲有唔少料理，或者時令壽司/刺身選擇，而每日更新即印嘅時令Menu，亦係識食之人必叫。 🦑海膽墨魚刺身 ($118)超幸福嘅海量海膽，疊係墨魚刺身上，再配上自家調製海膽汁，啖啖鮮濃。🦪令和の怪物 ($118)🥘原條皮剝魚刺身薄切 配鮮肝膽醬油 ($448)當日時令有少見嘅皮剝魚，原條新鮮薄切，爽滑鮮甜，食完魚尾可以炸埋，而配肝醬更加係經典食法，可見師傅對食材嘅熟識。-天澗居酒屋 @tj.izakaya🗺元朗教育路79&81號地舖📞34871160想看更多好餐廳推介 追蹤田中的IG/MeWe/FB吧！Instagram: @foodiegogooooMeWe: 田中小太郎 FoodiegogooooFacebook: Foodiegogo 田中小太郎聯絡田中:foodiegogoooo@gmail.com
