Follow IG更多美食：@foodiegogoooo 捌壹公館 x 佐敦美食 | 款款獨特多國菜餐館 麻香意粉明太子溫泉蛋蝴蝶粉🥘新開小店！濃厚流心蛋明太子❗️新派多國菜🌮軟腍慢煮牛肋條🍝麻而不辣青醬意粉！慢煮牛肋配煎年糕、四川麻香配青醬、油炸鬼配雪糕，剩係講呢三樣，大家就知唔係普通西餐。小店新開幾個月，外邊望落似主流西餐，但內裡處處驚喜，結合唔少亞洲同自創元素，工業風環境亦有格調，呢個價錢，第二到真係食唔到。 🦐麻香海鮮扁意粉 ($130)大廚自創，自家製濃厚青醬，帶微微果仁香，注入麻香元素，麻而不辣，醬汁包住每條意粉，完全令人食上癮。 🍳明太子溫泉蛋蝴蝶粉 ($137)其中一道田中最愛，滿滿足料明太子，味道經過調較，鮮中帶甜，同溫泉蛋極合襯，蝴蝶粉掛起明太子蛋汁，必食。 🥩慢煮黑椒牛肋條 配香煎上海年糕 ($168)牛肋條經過慢煮後非常軟腍，而且選用上海年糕，單面煎香，脆口又不失軟糯，同時用上牛肉原汁同黑椒，整道都係驚喜配搭。 🌮香烤墨西哥玉米餅 配泰式香辣豬肉碎 ($72)亞洲同西式結合，經典墨西哥Taco，搭配惹味泰式辣肉碎，豬油脂香滿滿，同時又有蜜糖芥末沾醬，香口又唔會乾身。 🍨超脆油炸鬼 配芒果汁及雪糕 ($68)同樣驚喜嘅自創甜品，選用傳統粥檔油炸鬼，入口極為香脆，浸入軟滑雪糕同酸甜芒果汁，冷熱脆軟配搭極完美。 🍹碟豆花檸檬梳打 ($40)🧉成個渡假Feel都翻返嚟 ($48)呢到亦有唔少招牌咖啡特飲，例如下邊果杯，奶蓋濃厚之餘，搭配椰子清香，咖啡香氣又帶有鹹香，層次極豐富。-捌壹公館 @81house.hk🗺️佐敦吳松街81號地舖📞9297 0487想看更多好餐廳推介 追蹤田中的IG/MeWe/FB吧！Instagram: @foodiegogooooMeWe: 田中小太郎 FoodiegogooooFacebook: Foodiegogo 田中小太郎聯絡田中:foodiegogoooo@gmail.com
