Follow IG更多美食:@foodiegogoooo 厚福館 x 紅磡美食 | 超足料佛跳牆湯底 鮮活龍蝦海膽刺身🦞性價比高!游水鮮活龍蝦刺身❗️刁鑽邊爐🥘連湯都飲得嘅佛跳牆🥩本地手切牛頸脊!九龍城一向出名打邊爐,有唔少火鍋老字號,但其實唔洗入九龍城都食到,因為佢地已經分店都開埋。而海鮮刺身亦唔一定要去壽司店食,呢間九龍城老字號,主打超多款刁鑽海鮮同火鍋料,例如巨頭蝦、深海藍龍蝦、水晶蟹等等,而且大多係店內魚池養住,游水超生猛。-🍱龍蝦 • 海膽刺身二人宴 ($1288 原價$1688)1️⃣有齊兩斤游水西澳龍蝦、海膽刺身、本地手切牛頸脊,連龍蝦頭爪、佛跳牆都有得食埋,性價比真係非常高。2️⃣雖然寫係二人宴,但其實真係超級豐富,田中同朋友兩個人都食唔哂,就算4人,另加啲火鍋料/自家小食,都非常夠食。 🦞刺身主食🥢時令海膽 (2份)🥢時令鮮活龍蝦刺身 (約兩斤)一上枱已經非常霸氣,用上游水鮮活西澳龍蝦,仲要兩斤大大隻,呢個性價比真係超高,肉質鮮甜就一定,而且入口啖啖滑嫩,非常幸福。 🥢龍蝦頭爪 (原味火鍋上)- 椒鹽薯片炒/雞油花雕蛋白蒸/薑蔥炒 (+$100)除咗龍蝦身嘅肉之外,成隻龍蝦仲有好多膏同肉,田中揀咗薑蔥炒,爆得超香口之餘,連龍蝦殼都非常香脆,食法刁鑽又令人驚喜。 🥘火鍋湯底 - 清湯(免費) / 升級湯底🥢足料佛跳牆 (+$170)加170蚊有咁足料真係匪夷所思,有齊鮑魚、花膠、螺片、仿翅、雞件等等,而且鮮甜無味精,食完配料,可以先飲幾碗,然後再加水打邊爐。🥢龍皇巨頭蝦出巡 (+$200)呢到仲有款超搶眼嘅巨頭蝦鍋,雖然田中冇試到,但巨頭蝦刁鑽少見,睇相都見到超爆膏誘人,可以一試。 🥩人氣牛/油香豬 (二選一)🥢人氣手切牛頸脊 或🥢西班牙黑毛豬肋條 及 鹿兒島黑豚肉打邊爐必食牛頸脊,用上本地手切靚牛,出名油香豐富,淥兩淥非常嫩滑,而且肉香濃郁。🥟精選配料🥢新鮮花枝片(6片)🥢厚福餃子拼盤(一份)本身田中都以為係普通餃,但粒粒都超足料飽滿,入口鮮甜爽滑,令人驚喜兼滿足。🥢時令雜菜併盤 (例)🥢稻庭烏冬(一份) 🥓其他自家製小食:🥢秘製香炸黑松露餃 ($68)🥢招牌慢煮LamLam脷鵝肝 ($98)呢到仲有唔少招牌自家小食,上枱即食,其中必食慢煮鵝肝,入口非常軟滑,脂香滿足之餘,又滷得非常入味。順帶一提,佢地午市一人鍋都係做緊$68起,例如有鮑魚嘅海鮮一人鍋都係68蚊,足料又抵食得誇張!-厚福館 @hau.fook.hotpot🗺紅磡必嘉街121號黃埔天地奇妙坊(第1期)地下G9號舖📞2676 6316❇️仲有總店係九龍城!想看更多好餐廳推介 追蹤田中的IG/MeWe/FB吧!Instagram: @foodiegogooooMeWe: 田中小太郎 FoodiegogooooFacebook: Foodiegogo 田中小太郎聯絡田中:foodiegogoooo@gmail.com