Follow IG更多美食：@foodiegogoooo 黑目 x 銅鑼灣美食 | 鮮甜皇帝蟹A3和牛鍋 朱古力OREO Gelato棉花糖山🇯🇵隱蔽料理！極誇張皇帝蟹足鍋❗️疊到盆菜咁高🦀蟹湯鮮甜到極🍨抵食邪惡棉花糖山！入秋必食日本蟹，入冬一定要打邊爐，呢個蟹足鍋就啱啱好。小店位置超隱蔽，結合西式Cafe同清酒串燒料理，估唔到連Shabu Shabu都有。甚至如果新年兩個人想食盆菜，黎呢到食個蟹足鍋，都完全唔失禮，來年一定盆滿砵滿。點擊圖片放大 🦀蟹の鍋(2人前 $580)-日本蟹足(280-300g)、日本帶子(4件)、日本油揚、南瓜片、京蔥段、旺菜、鮮冬菇、本菇1️⃣用上當造皇帝蟹足，粗身厚肉得誇張，全煲疊得盆菜咁高，啖啖鮮甜蟹肉，再配上大大粒日本帶子，呢個價錢黎講非常滿足料。2️⃣本身昆布木魚湯已經鮮甜，滾埋蟹腳帶子後，更鮮甜得誇張，臨尾再打隻蛋落去，做成一煲蛋花湯，味道令人難忘。🦀不過皇帝蟹係時令食材，唔同日子Size都有可能唔同！ 🥩日本A3和牛鍋 (和牛150g 2人前 $480)除咗蟹足同帶子，其他配料同蟹足鍋一樣，肥美又不失肉感嘅A3和牛，Shabu Shabu真係一流。 🦀味噌蟹膏甲羅燒 ($88)🥓黑椒牛舌 ($68)小店主張樣樣自家製，少用入貨材料，例如牛舌原條買入，再自己厚切，非常厚肉肥美，蟹膏甲羅燒亦係自製，足料得黎抵食。 🧀芝士日本油揚 (2件 $42)其中一樣驚喜之作，油揚燒得微脆，再鋪上邪惡芝士，睇樣已經夠哂誘人，啱哂芝士控。🍗蜜糖芥末手羽先 (5隻 $62)聽講係超人氣小食之一，外皮焦脆，肉汁Juicy，加上香甜蜜糖芥末一向絕配，基本上冇得輸。 🍓草莓焦糖多士配意大利雪糕 ($78)🥞棉花糖山配朱古力OREO及意大利雪糕 ($78)睇相已經非常邪惡，厚厚嘅軟糯棉花糖山，微微煙韌拉絲，配埋半溶雪糕，一冷一熱，帶黎滿滿幸福感。🍺仲有隻自家調製嘅沖繩柚子生啤，啤酒清爽之餘，帶有啖啖柚子微香，配埋Shabu Shabu真係一流。-黑目 @kuromecafebar🗺銅鑼灣信德街18號地舖📞2838 8908想看更多好餐廳推介 追蹤田中的IG/MeWe/FB吧！Instagram: @foodiegogooooMeWe: 田中小太郎 FoodiegogooooFacebook: Foodiegogo 田中小太郎聯絡田中:foodiegogoooo@gmail.com
