Follow IG更多美食：@foodiegogoooo 岳川串揚 x 銅鑼灣美食 | 大版風特色居酒串揚料理 海蝦串揚土手燒牛舌🇯🇵聚會一流！大阪風料理小店❗️正宗大阪名物🥘濃郁土手燒牛舌🍤外脆內嫩串揚！如果大家去過大阪，應該都聽過串揚。望落平凡天婦羅咁，但一咬落去就驚天動地，酥脆又肉汁滿滿，食第一串就唔會停。而呢間小店除咗串揚，主打大阪風居酒料理，唔少更加係當地名物，又或者係鄉土料理，正宗地道之餘，令田中懷疑店主係咪大阪人。 居酒料理：🥢招牌大阪土手燒牛舌 ($78)正宗大阪鄉土料理，用濃郁味蹭汁，將牛舌同蘿蔔一同煮腍，入味之餘，又帶有牛舌肥美脂香。🥢日式辣酒煮東風螺 ($68)田中最愛之一，辣酒汁濃香惹味，東風螺又一向鮮味濃郁，啲汁煮過螺後更鮮，食螺一定要啜埋啲汁。 🥢日式磯煮鮑魚伴蘿蔔 (2隻 $80)鮑魚磯煮得非常入味，提出鮑魚嘅谷氨酸鮮味，又軟腍香滑，下邊塊蘿蔔更加係重點，非常入味香甜。🥢味噌田樂燒茄子 ($68)田樂燒同樣係日本傳統料理，用上濃厚味噌醬汁，將茄子燒得入味，一絲絲茄子肉亦非常嫩滑。🥢秘制超Juicy香脆雞翼 ($40)必叫之一，田中唔知如何秘製，但外皮真係超脆，一咬亦真係超Juicy，仲夠哂入味。🥢酒盜芝士 ($58)🥢醬油蒜頭漬 ($28) 大阪串揚：🥢日本海蝦串揚 (4隻 $99)🥢豚肉蘆筍卷串揚 ($35)🥢廣島蠔串揚 ($96)🥢洋蔥串揚 ($18)🥢虎椒串揚 ($18)串揚絕對係呢到招牌，件件外酥脆內軟嫩，一咬肉汁係口中爆發，配上兩款秘製串揚汁，一辣一甜，真係食唔停口。 串燒：🥢燒明太子 ($78)明太子控必食，少有地用上原件明太子，燒得內裡半熟，鹹鮮濃郁又鮮味極重。 🥢燒越南大虎蝦 (2隻 $99)當日最驚喜之一，虎蝦大大隻，燒得剛剛熟，肉質嫩滑又彈牙，蝦膏滿滿又鮮甜，值得一試。 🥢鹽燒紐西蘭頂級羊架 ($68)🥢燒牛肉金菇卷 ($38)🥢燒白鰻 ($42) 其他：🥢雞皮餃子 (4隻 $48)🥢大阪狐狸烏冬麵 ($52)大阪傳統地道麵食，放上幾塊極香甜嘅腐皮，索哂鮮甜醬油湯汁，烏冬煙韌軟糯，非常滿足嘅結尾。 🍶清酒 300ml ($250)🍻Suntory 生啤 ($68 / 第二杯半價$34)-岳川串揚🗺銅鑼灣摩理臣山道8號地舖📞 2333 6620想看更多好餐廳推介 追蹤田中的IG/MeWe/FB吧！Instagram: @foodiegogooooMeWe: 田中小太郎 FoodiegogooooFacebook: Foodiegogo 田中小太郎聯絡田中:foodiegogoooo@gmail.com
