Follow IG更多美食：@foodiegogoooo 壽司源 x 元朗美食 | 低調隱世Omakase 鮮甜香箱蟹流心斑馬蝦白海膽🍱令人遠赴到訪嘅隱世Omakase❗️低調而高水準🦀鮮甜軟嫩白海膽🦐甘香燒蝦膏縞蝦！近一兩年越黎越多Omakase選擇，而呢間走傳統路線嘅壽司源，啱啱六週年，已經算係有啲歷史，田中好耐之前都聽過佢地大名。而佢地出名水準高又穩定，唔少人都會特登入黎一試。今次田中過黎撞正九州打風，所以當日食材大多來自北海道，亦正顯出師傅發辦嘅功力同變化。-🍱Omakase Dinner Set ($1080起)最豐富嘅Set都係$1580，有前菜 一品、牡蠣、刺身 三種、握壽司 九貫、和食 三種、手卷、味噌汁、甜品，而午市就$380起，入門值得一試。 🔻前菜 一品🥢山椒醬烤鰻魚、烤甘栗、明太子海蝦配富有柿鰻魚必配山椒，山椒嘅椒麻刺激味覺，再搭上爽甜嘅富有柿，同鮮味豐富嘅明太子海蝦。 🔻牡蠣🥢北海道仙鳳趾真蠔睇相都見超飽滿，質感鮮甜濃厚，入口非常滿足。🔻刺身 三種🥢北海道秋刀魚近期開始當造嘅秋刀魚，擺盤精緻，刺身油脂豐腴，入季後會越黎越肥美。🥢岩手縣石垣貝🥢火炙大拖羅佈滿雪花嘅肥美拖羅，灸燒後魚油更香，拖羅迷一定滿足。點擊圖片放大 🔻和食 三種🥢斑馬蝦蛄當日最難忘之一，斑馬瀨尿蝦外脆內軟，流心爆膏，食完再加入飯糰拌埋蝦膏，超級滿足。但當造期10月就完，遲啲未必有得食。🥢香箱蟹膏蟹肉釀蟹蓋踏入蟹季必食香箱蟹，橙膏極為甘香，肉質又幼滑鮮甜，啖啖鮮味爆發。🥢牛油燒白子因為兩位去食，田中食埋近期超當造嘅白子，輕輕炙燒過後，真係甘香肥美得誇張。🥢真丈蝦清湯 日本麵包 🔻握壽司 九貫🥢大分縣伊佐木🥢北海道鮮帆立貝🥢北海道油甘魚三塊薄切疊起，手工精緻，口感更為嫩滑，入口肥美香嫩，極為幸福。🥢火炙鹿兒島深海池魚🥢長崎縣大拖羅大拖羅經過熟成兩個禮拜，魚脂邪惡之餘，魚味更為濃郁。 🥢燒蝦膏蝦籽縞蝦其中一道驚喜之作，縞蝦鮮甜爽滑，蝦膏亦更加濃鮮，經過灸燒更為香口，滿口濃郁鮮味。🥢赤身醬油漬🥢鯖魚卷仿關西嘅廂押壽司，鯖魚本身味道濃郁，再加入干飄、紫蘇、木魚，整體層次超豐富。 🥢北海道白海膽田中最愛嘅海膽品種之一，用杯上將海膽疊得又高又厚，口感極為幼嫩，入口鮮甜而回甘。-🔻手卷🥢海膽、拖羅蓉、三文魚籽、魷魚幾款口感唔同嘅魚料混為一體，海膽鮮甜之餘，又感受到拖羅蓉嘅脂香，意想不到特別嘅手卷，令人一食上癮。🔻味噌汁🔻甜品🥢開心果雪糕/柚子雪葩、泡芙、蕨餅-壽司源 @hajime_sushi🗺️元朗青山公路1號珍珠樓地下10號📞2886 0811🎁佢地而家仲有六週年慶典，只要食滿$2500，就會送限量週年禮物「木枡Sake杯」一份。想看更多好餐廳推介 追蹤田中的IG/MeWe/FB吧！Instagram: @foodiegogooooMeWe: 田中小太郎 FoodiegogooooFacebook: Foodiegogo 田中小太郎聯絡田中:foodiegogoooo@gmail.com
