Follow IG更多美食：@foodiegogoooo Homeland x 荃灣美食 | 必試甲羅燒蟹膏燉飯 霸氣桂花釀啤酒雞🦀足料蟹膏蟹肉！必食手工意粉❗️新開Fusion菜🍗肉汁滿滿啤酒雞🥘鮮甜甲羅燒燉飯！小店新開，環境真係夢幻，色彩繽紛嘅壁畫(尾圖)，掛滿天花嘅花海，五顏六色嘅牆身，好似入咗電影Charlie and the Chocolate Factory咁。但唔知大家有冇睇過Charlie and the Chocolate Factory，原來已經係2005年嘅電影，17年前！(利申田中果陣仲細，唔係入戲院睇。) 🦐冬蔭功海蝦闊條麵 ($138)濃厚惹味冬蔭功醬汁，入口非常Creamy，闊條麵掛滿醬汁，濃郁地填滿口腔，值得一提意粉係手工鮮製，口感特別煙韌。 🦀甲羅燒蟹膏燉飯 ($168)甲羅燒鋪係燉飯上，超足料蟹膏蟹肉蟹籽，用匙羹拌入忌廉燉飯中，蟹膏鮮味極為濃郁，蟹籽又令口感更豐富，必食。 🍗招牌桂花釀啤酒雞 ($298)同樣必食之一，原隻熱辣辣上枱，非一般燒春雞大小，外皮香脆又帶有香甜，一撕開瀉出肉汁，啖啖嫩滑肥美。 🍰提拉米蘇 ($88)Tiramisu都意想不到地好食，濃郁牛奶忌廉香，質感偏濕潤，酒香咖啡香剛好，值得一試。 🧀芝士奶蓋草莓牛奶 ($68)🍹青檸水果梳打多多 ($48)而呢到亦有唔少特飲選擇，而芝士奶蓋更加係邪惡，滿滿鹹香芝士，配上香滑牛奶，真係冇得輸。-Homeland @homeland.kitchen🗺荃灣大壩街4-30號荃灣廣場B1樓B109-110號舖📞9160 3680想看更多好餐廳推介 追蹤田中的IG/MeWe/FB吧！Instagram: @foodiegogooooMeWe: 田中小太郎 FoodiegogooooFacebook: Foodiegogo 田中小太郎聯絡田中:foodiegogoooo@gmail.com
