Follow IG更多美食：@foodiegogoooo Mare x 旺角美食 | 超滿足海膽黑魚子 新開激抵送頭盤+甜品+飲品🦞邪惡新店！啖啖鮮海膽黑魚子❗️少有濃厚料理酒館🦞香脆龍蝦薄餅🫔拉絲芝士焗蠔！呢間小酒館有兩點係極為罕有，第一係汲飲式Cocktails on Tap，下邊會提到，第二係極濃厚嘅料理，上圖會睇到，而且嘢食嘅質素，完全有禾稈冚珍珠嘅感覺。西式料理出色，但餐廳收12點，然後嘢飲開到2點，化身酒吧路線，逢星期五六仲會有Live DJ Music，過黎飲兩杯獨家Cocktails都一流。❇️順便一提個超抵新店優惠，訂枱果陣講返"Mare10"優惠，叫一份主食，就會送頭盤+甜品+細杯Sapporo/House Wine/無酒精飲品(不包Mocktails)+免加一服務費，或者指定紅白酒7折，真心抵玩。 🍝鮮海膽汁意粉 ($178)必食招牌，滿滿鮮海膽刺身，上邊再鋪滿黑魚子，鮮甜海膽上再提升鮮味，而且醬汁濃厚，濃郁地包住每條意粉，完全填滿口腔。 🦞波士頓龍蝦薄餅 ($268)熱辣辣烤起嘅薄餅，批底香脆，睇相都見芝士拉絲，而且鋪滿龍蝦肉之餘，再混入龍蝦膏，令人滿足。 🫔鮮海膽多士 (4件 $118)同樣用上鮮海膽同黑魚子，非常足料鮮甜，牛油多士厚身，烤得焦香，一冷一熱又外脆內軟。 🦪白汁芝士煙肉焗生蠔 (6件 $98)蓋滿半溶焦香芝士，生蠔處於微熟嘅狀態，入口滑嫩Juicy，鍾意生蠔嘅朋友必食，而且6隻性價比超高。 🍗法國鴨髀 配紅椰菜 ($258)其中一道驚喜菜式，表皮烤得極為香脆，好似乳豬皮咁，內裡非常滑嫩，功架十足，而且鴨髀脂香豐腴，食肉獸最愛。 佐酒小食：🍖德國豬手粒 配寶雲酥 (6件 $98)🥓香煎西班牙豬肋條 配燒汁 ($108)🥖脆炸白飯魚 配西子蘋果蓉汁 ($78)另外作為酒館，唔少得佐酒小食，其中寶雲酥豬手粒酥脆內嫩，極為香口，西班珍豬肋條就肥美肉香，啖啖肉。 🍹汲飲式Cocktails on Tap1️⃣Cocktails當然亦係招牌，但呢到仲有個重要賣點，就係九龍絕無僅有嘅Cocktails on Tap，而且都係佢地自設酒廠本地釀造。2️⃣Cocktails on Tap其實類似Beer on Tap咁，不過就係Cocktails版，一開即有預先浸釀調製嘅Cocktails，例如滲發陣陣花香/茶香嘅口味，自家釀製更加係獨一無二。-Mare.月海 @lunamare.hk🗺旺角黑布街15號舖地下📞2869 6099🕰營業時間：16:00-翌日02:00 (餐廳收12:00)想看更多好餐廳推介 追蹤田中的IG/MeWe/FB吧！Instagram: @foodiegogooooMeWe: 田中小太郎 FoodiegogooooFacebook: Foodiegogo 田中小太郎聯絡田中:foodiegogoooo@gmail.com
