Follow IG更多美食：@foodiegogoooo MW Korea House x 深水埗美食 | 韓式拉絲芝士蛋卷 厚切五花腩芝士拉麵🇰🇷韓國菜小店！瀑布拉絲芝士蛋卷❗️超抵食價錢🧀外脆內軟泡菜煎餅🍘極足料紫菜飯卷！小店由兩夫婦經營，老闆娘係韓國人，難怪煮得一手正宗韓國菜。而且菜式都係家庭風，例如泡菜煎餅四塊獨立，而唔係平時餐廳嘅一大塊咁。而雖然鋪頭座位唔算多，但湖水藍色嘅瓷磚，配上潔白外牆，將鋪頭打造成一間藍白小屋，帶點韓劇嘅浪漫。 🧀芝士煎雞蛋卷 ($78)睇相都見到，芝士餡料拉絲得誇張，啖啖芝士超級滿足，而且蛋卷煎得熟度剛好，非常嫩滑，仲有酸甜茄汁中和膩感。 🍕迷你泡菜煎餅 ($78)田中最愛之一，傳統煎餅分成四小塊，外皮更加香脆，內裡濕潤又微微煙韌，香口惹味之餘口感一流。 🍘韓式紫菜飯卷 - 吞拿魚 ($58)非常足料嘅紫菜飯卷，一層薄飯包住滿滿嘅餡料，除咗吞拿魚，仲有五花腩/牛肉/菠菜揀。 🍜厚切五花腩 芝士泡菜拉麵 ($88)經典泡菜拉麵，味道偏濃，五花腩大塊厚切，份量多得誇張，配埋流心蛋同泡菜，真係超滿足。 🍹士多啤梨牛奶沙冰 ($45)🍵熱大麥茶 ($9)-MW Korea House @mw.korea.house🗺深水埗福華街178A號地舖📞5714 6478想看更多好餐廳推介 追蹤田中的IG/MeWe/FB吧！Instagram: @foodiegogooooMeWe: 田中小太郎 FoodiegogooooFacebook: Foodiegogo 田中小太郎聯絡田中:foodiegogoooo@gmail.com
