Follow IG更多美食：@foodiegogoooo 書湘門第 x 紅磡美食 | 正宗辣中帶酸米芝蓮貼地湘菜 平民嫩滑香甜酸菜魚米線🌶抵食米芝蓮！極少有正宗湘菜❗️嫩滑酸菜魚濃湯米線🍜罕見冰鎮蕨根粉！擂椒皮蛋！同川菜麻辣唔同，湘菜出名鮮辣帶酸，鋪滿辣椒紅噹噹，見圖就忍唔住吞口水果種。雖然係八大菜系之一，但香港好少有做得正宗，多數都係同川菜混合。而呢間地道湘菜，多年前由小店做起，拎埋米芝蓮推介，但都係非常低調，主要做民居街坊生意，而家越做越大，真係實力派。 🥢小食：🧊冰鎮蕨根粉 ($48)香港極少有嘅一道菜，由蕨根做成深色麵條，口感爽滑，鋪係冰粒上，非常酸辣又清涼嘅一道前菜。 🫑擂椒皮蛋 ($68)睇外形都見特別，用錘盅上，虎皮椒同皮蛋打得半溶，醬汁極濃，仲加入鹹蛋黃，更甘香邪惡。點擊圖片放大 🥢米線🍜酸菜魚米線 (8折後 $62.4)🥘小鍋酸辣米線 - 肥腸 (8折後 $54.4)🍝涼拌米線 - 牛𦟌 (8折後 $54.4)1️⃣新推出嘅午市米線，其實湘菜甚少有米線，但師傅將湘辣結合米線，亦令價錢更平民。原本幾百蚊嘅酸菜魚，幾十蚊就試到。2️⃣而酸菜魚絕對係必食，同樣遵循湘菜做法，魚湯濃厚鮮甜，湯頭亦唔會同米線分離，配搭一流，而嫩魚片用上黑鱸魚，嫩滑而鮮香。3️⃣另外兩款就走酸辣風格，未見有麻辣，湯底同樣走濃厚路線，酸辣惹味，唔會過於稀淡，配上肥腸真係一流。-🥢小菜：而佢地本身係主打小菜，一樣非常正宗，唔少都係少見嘅菜式，人多記得要試多幾款，份量亦大碟足料，湘菜特色嘅酸菜魚同樣係必叫！ 🦐香辣元寶蝦 ($148)大蝦同辣椒一同炸透，肉質結實，外殼香脆，鮮辣味道係哂蝦殼上，連殼食都得，非常香口。 🥘鐵鍋臭桂魚 ($168)同樣非常少見，鍋下有火一直滾住，鋪滿濃烈辣椒蔥粒，微微臭味衝擊味蕾，肉質非常細嫩，魚味濃郁得驚喜。 🥬乾鍋有機花菜 (閒日滿$300半價後 $41)爆得非常香口惹味，花菜嫩口索滿調味，同樣底下有火滾住，熱辣辣鑊氣十足。 🍡兒時發粑粑 ($48)、紅糖糍杷 ($68)除咗紅糖糍粑，亦有唔少罕有甜點，例如呢款發粑粑，清甜如白糖糕，煎得微脆，非常特別。-書湘門第🗺紅磡黃埔天地百寶坊(第三期)地下G30-31號舖📞 9353 6726中環、灣仔、西環、荃灣、大角咀都有分店，而米線係黃埔同荃灣新店午市先有！想看更多好餐廳推介 追蹤田中的IG/MeWe/FB吧！Instagram: @foodiegogooooMeWe: 田中小太郎 FoodiegogooooFacebook: Foodiegogo 田中小太郎聯絡田中:foodiegogoooo@gmail.com
