Follow IG更多美食：@foodiegogoooo 澎拜拉絲芝士脆皮 免費送鮑魚炸乳鴿 | 太平飯店 x 北角美食🧀極邪惡！流心脆皮鮮甜蝦棗❗️足料抵食！地道打冷小店🦐仲有免費醉鮑魚/炸乳鴿！唔知大家知唔知咩叫打冷。朋友聚會，田中提議去食打冷，但估唔到有人真係唔知。打冷其實即係潮洲菜，起源一匹布咁長，有興趣可以Google一下。不過好食嘅打冷，真係唔易搵。 🧀芝士流心蝦棗 ($148)做法新派嘅經典蝦棗，外層脆皮極香脆，包住鮮甜蝦肉蓉，仲有瀑布咁嘅流心芝士，配上泰式辣醬/千島醬，超級邪惡。 🧇黄金糖醋麵 ($98)又叫糖醋兩面黃，香港少有，將麵條煎到金黃香脆，配上糖同醋，超香口又微微軟韌，必試。 🍗滷水鵝片三拼 ($218)田中揀咗鵝片、元蹄、墨魚，滷得入味濃郁，鵝片肉香肥美，墨魚更加必食，非常軟滑，啖啖肉極滿足。 🍲蝦蜆蠔仔泡飯 ($128)潮洲菜必食泡飯，除咗蠔仔，再加入蝦同蜆，湯頭更加鮮甜。 🦐海鮮炒年糕 ($268)足料又大碟得誇張，年糕超軟滑煙韌，鑊氣十足，加入足料鮑魚、大蝦、大蜆，層次同鮮味都非常豐富。 🦪醉鮑魚 (免費 一隻)、炸乳鴿 (免費 半隻)冇錯真係免費，小菜/滷水滿$100就有一款，基本上一定有，超抵玩。-太平飯店🗺北角渣華道124號地下想看更多好餐廳推介 追蹤田中的IG/MeWe/FB吧！Instagram: @foodiegogooooMeWe: 田中小太郎 FoodiegogooooFacebook: Foodiegogo 田中小太郎聯絡田中:foodiegogoooo@gmail.com
