Follow IG更多美食：@foodiegogoooo 新開 馬來咖哩滑蛋 流心蛋喇沙長通粉 | 檳榔島敍 x 鰂魚涌美食🇲🇾新開！抵食檳榔小島風小店❗️創新Fusion菜🍳超流心蛋喇沙長通粉 邪惡滑蛋飯！唔知大家有冇睇過《夏日麼麼茶》，任賢齊同鄭瘦文果套，呢間新開小店，真係有果個馬拉小島嘅感覺，夠哂Chill。而套戲係2000年上，完全係暴露年齡，不過利申返，田中係細個道地星期日影院睇嘅。-點擊圖片放大 🥘馬來咖哩滑蛋雞肉蓋飯 ($78)極濃厚惹味馬來咖哩，配上超誘人嘅滑蛋蓋飯，熟度剛好滑溜溜，雞件炸過，非常香口，仲要極抵食大大份。 🍳濃香喇沙煙肉長通粉 ($108)仿卡邦尼做法，以濃厚喇沙煮起，加上邪惡流心蛋，蛋汁同醬汁混合，包住每條長通粉，配搭完美，必食。 🦐馬拉盞一口蝦多士 ($68)炸到透一透嘅蝦多士，非常香脆，內有爽彈蝦肉，馬拉盞惹味，沾上蜜糖剛剛好。 🌶甘香醬手作蘿蔔糕 ($52)馬拉嘅萬能甘香醬，極惹味香口，炒蘿蔔糕就啱哂，蘿蔔糕非常足料，食唔停口。 🥞自家製班蘭咖央多士 ($35)經典嘅邪惡多士！極厚切凍牛油，配上香濃咖央醬，香甜中帶牛油香，多士酥脆，超級邪惡！- 🍹飲品方面，田中叫咗檳榔島敍雜果賓治，非常有夏日風情，仲有超多款罕見歐美手工啤，真係Chill爆！-檳榔島敍 (鰂魚涌)🗺鰂魚涌海灣街2號濱海大廈地下D-1號舖想看更多好餐廳推介 追蹤田中的IG/MeWe/FB吧！Instagram: @foodiegogooooMeWe: 田中小太郎 FoodiegogooooFacebook: Foodiegogo 田中小太郎聯絡田中:foodiegogoooo@gmail.com
