Js Bar Bistro x 尖沙咀美食 - 典雅環境精緻下午茶 煙燻花之戀🍰氣派復古風！歐式莊園環境❗️抵食足料12款茶點☕️極典雅有Feel嘅酒店High Tea🍰係呢個典雅環境下，酒店High Tea配上仙氣，田中都可以變女神，難怪咁多女士黎幫襯。 🍰冬日循環之美下午茶 ($598 兩位)係帝苑酒店嘅J's Bar，12款精緻鹹點同甜品，連無酒精Mocktail兩杯，五星級酒店環境，絕對唔貴。 鹹點：🌫煙燻三文魚花之戀用上乾冰製造煙霧效果，極為搶眼，打卡一流，而煙三文魚捲成花之戀，亦相當足料。 🦐香煎海蝦配辣番茄醬酥皮盒鮮甜爽彈海蝦，辣番茄醬酸辣開胃，配上香脆酥皮盒，無論口感定味覺都極有層次。另外仲有鴨肝多士、即焗巴馬臣芝士義大利脆棒、紅菜頭香梨沙律，配搭用心，絕對有驚喜。 甜品：🍮焗法式柑橘梳乎厘呢到嘅招牌甜品，熱辣辣即焗梳乎厘，鬆軟綿滑，微酸而陣陣柑橘香。 🥧焗法式蘋果撻爽甜嘅花型蘋果片，烤焗後更香甜，配上鬆脆牛油撻皮，配搭得宜。 🍰紅桑子拿破崙田中最愛，極酥脆嘅拿破崙，配上香滑吉士醬，微酸紅桑子，味覺層次豐富。 另外仲有焦糖合桃芝士撻、自家英式鬆餅配柑桔醬及鮮奶油、橙朱古力巨蛋、粉紅朱古力蝴蝶酥，款款精緻。👍🏻8/10-J's Bar Bistro🗺尖沙咀麽地道69號帝苑酒店2樓🔥最新熱話：點樣買Bitcoin/其他加密貨幣？Bybit - 連登(Lihkg)上最新最熱門嘅加密貨幣交易所瀏覽更多想看更多好餐廳推介 追蹤田中的IG/MeWe/FB吧！Instagram: @foodiegogooooMeWe: 田中小太郎 FoodiegogooooFacebook: Foodiegogo 田中小太郎聯絡田中: foodiegogoooo@gmail.com
