一居燒肉- 邪惡燒肉奉上！連爐都包埋，係屋企等食嘅燒肉懶人包，牛小排、牛肩胛、黑豚肉、樣樣靚料又邪惡‼️自從晚市禁堂食，田中都好耐冇食過燒肉，始終都係夜晚食燒肉先最有Feel，但屋企整又要買爐具咁。不過今次呢個懶人包，連爐同板都送埋...點擊圖片放大 +3 🥩一居鐵板燒肉懶人包 - 二人餐 ($499)➡️內有安格斯牛小排(200G)、安格斯牛肩胛(200G)、日本黑豚梅頭肉(150G)、鹽醬五花肉(150G)、燒汁雞腿肉(100G)、鹽醬雞翼(2隻)、蔬菜盛盒(洋蔥、翠玉瓜、菇類、生菜、泡菜)。1️⃣先講牛肉，安格斯牛小排厚切長型，燒到5成熟，一咬肉汁四瀉，而薄切嘅牛肩胛夠嫩滑，肥瘦適中又牛味香濃。2️⃣而鹿兒島黑豚梅頭肉非常驚喜，肉香味濃，油花均勻，完全唔韌。3️⃣其他肉類一樣出色，真空包裝，而且唔會雪到死實。而且份量都相當夠食，仲有大大盒唔同蔬菜。 而配備方面，真係係屋企都感受到一流服務，鐵板爐具唔洗講，連枱布、隔熱夾、較剪、油掃呢啲都有，仲有鋪住吸油嘅牛油紙，超級周到。👍🏻9/10 順便分享一下，田中有朋友搞緊個叫takeawayla嘅平台～幫你輕鬆比較所有外賣平台嘅選擇同優惠仲可以抵到半價，大家想睇抵食外賣就去睇下啦！傳送門：請按此IG：@takeawayla想看更多好餐廳推介 追蹤田中的IG/MeWe/FB吧！Instagram: @foodiegogooooMeWe: 田中小太郎 Foodiegogoooo Facebook: Foodiegogo 田中小太郎聯絡田中: foodiegogoooo@gmail.com一居 @yatkuii🗺https://www.yatkui.com
