囍運冰室 x 旺角美食 - 非一般的常餐！會落埋枸杞嘅非一般生滾豬潤麵，旺角必食冰室，仲有酥脆出爐葡撻❗️旺角咁多冰室茶餐廳，其實望落真係間間都一樣。。。不過估唔到，有一間唔起眼嘅冰室，賣嘅雖然係常餐，但總有少少唔平常嘅細節，所以田中先話係非一般常餐。 🍜常餐 - 生滾枸杞豬潤公仔麵 ($54)配黑松露3.6牛乳炒蛋 + 丹麥多士1️⃣生滾豬潤非常常見，但竟然枸杞葉同枸杞子一齊係到出現，即刻養生咗，亦可能因為佢地，個湯特別清甜，豬潤熟度剛好，嫩滑出色。2️⃣牛乳炒蛋蛋香十足，炒得半熟，而竟然有黑松露醬，雖然唔多，但都值得加分。3️⃣最欣賞係連個多士都唔係一般白麵包，而係丹麥多士，酥脆油香，真係非平常嘅常餐。4️⃣奶茶亦都唔錯，夠香夠滑，唔會太多冰。👍🏻8.5/10 🥞田中仲試埋岩岩出爐嘅葡撻，外皮酥脆，蛋漿香甜軟滑，無得輸。 順便分享一下，田中有朋友搞緊個叫takeawayla嘅平台～幫你輕鬆比較所有外賣平台嘅選擇同優惠仲可以抵到半價，大家想睇抵食外賣就去睇下啦！傳送門：請按此IG：@takeawayla想看更多好餐廳推介 追蹤田中的IG及FB吧！Instagram: @foodiegogooooFacebook: Foodiegogo 田中小太郎聯絡田中: foodiegogoooo@gmail.com囍運冰室🗺旺角通菜街139號地下
