亞玉冰室 x 元朗美食 - 良心爆茄冰室！抵食又大份，無論良心定質素，絕對都係值得入元朗食嘅好冰室！講起亞玉，傷心事就唔好提了，除左被爆_，呢到嘅食物爆茄又爆芝，仲要抵食大大份，絕對值得大家入黎一試，唔洗香港飛香港，都可以過境到元朗國旅行下。 🍅招牌茄汁菠蘿焗豬扒飯 ($56)1️⃣豬扒真係超大塊！夠淋，超容易切，而且有肥肉又唔瘦，最緊要醃得夠味，啖啖肉食到lamlam脷。2️⃣鋪上大大塊芝士嘅焗飯，無論飯定芝士都焗到夠焦香，飯底炒過，焗飯黎講算正！3️⃣如果更多汁就更好，但整體連埋豬扒都夠送飯，👍🏻7.5/10 🍝公司茄汁炒通粉 ($53)1️⃣呢個炒通粉真係正，本身通粉已經超索汁，每粒都被茄汁包住，而且調味岩岩好，酸酸甜甜超惹味。2️⃣話明公司就係有齊香腸、煙肉、火腿、煎蛋，加埋份量都幾多，煎香過相當邪惡，如果擺返多幾粒蕃茄嘅話會fresh返d。👍🏻7.5/10 🥤奶茶紅豆冰 (+$9)超超超大杯，用奶茶做底嘅紅豆冰，本身冇落糖，紅豆夠甜夠多，但其實夾埋奶茶普普通通，咁出色嘅紅豆，叫返傳統紅豆冰應該仲好味。👍🏻6/10 亞玉冰室🗺元朗西裕街17號民康大廈地下4-5號舖順便分享一下，田中有朋友搞緊個叫takeawayla嘅平台～一個網站可以比較到所有外賣平台嘅選擇同優惠仲可以抵到半價，大家想睇抵食外賣就去睇下啦！傳送門：https://takeawayla.com/IG: https://instagram.com/takeawayla_hk想看更多好餐廳推介 追蹤田中的IG及FB吧！Instagram: https://instagram.com/foodiegogooooFacebook: Foodiegogo 田中小太郎聯絡田中: foodiegogoooo@gmail.com
