陸她娜 x 屯門美食 - 泰性感的雞飯！一間唔起眼又隱世嘅平民泰菜，睇相都見到，估唔到有咁靚嘅雞飯同豬髀！呢間小店非常非常隱世兼有人情味，所有野都只係一位婆婆主理(田中三次午市去都係)。而最估唔到嘅係前鋪後居嘅格局，三數張枱嘅小店，三代人嘅情懷，你碌到最後果張就知了。 🍗泰式鮮嫩雞飯 ($50)1️⃣呢個雞剩係個光澤都睇到係幾咁鮮嫩，而且去骨啖啖肉，雞嘅份量亦都好多。2️⃣淋上左特製嘅汁令佢更加濕潤同嫩滑，而個汁嘅味道就偏淡，因為個雞主要係點另一碟秘製醬汁。3️⃣個秘製醬汁非常特別，鹹鹹鮮鮮仲好似帶點酒味，而個飯就普通白飯，如果係油飯就更正。👍🏻7.5/10 🍖豬髀撈麵 ($50)1️⃣豬髀一樣燜得超軟綿嫩滑，豬皮好肥美，骨膠原超豐富，而且豬髀份量一樣極多，但其中有兩成瘦嘅部份就太瘦。2️⃣撈麵相當惹味，係甜醬油風格，而唔係酸辣重口味，令人忍唔住口一啖接一啖！👍🏻7.5/10 陸她娜🗺屯門屯利街1號華都商場地下61號舖順便分享一下，田中有朋友搞緊個叫takeawayla嘅平台～一個網站可以比較到所有外賣平台嘅選擇同優惠仲可以抵到半價，大家想睇抵食外賣就去睇下啦！傳送門：https://takeawayla.com/IG: https://instagram.com/takeawayla_hk想看更多好餐廳推介 追蹤田中的IG及FB吧！Instagram: https://instagram.com/foodiegogooooFacebook: Foodiegogo 田中小太郎聯絡田中: foodiegogoooo@gmail.com
