Poseidon Restaurant & Bar x 尖沙咀美食 - 29蚊隱世Fusion午餐尖沙咀29蚊一個lunch真係太癲，嚇到田中即刻上黎試下，原來新開幾個月！某日田中附近經過，見到有個牌寫住$29午餐，心諗係咪只限外賣優惠，點知原來係天能咁逆行左去20年前，講下笑姐🌰不過價錢同環境真係有驚喜嘅❗️ 🍗秘製泰式黃薑雞飯 ($29)1️⃣雞件份量都幾多，又有配菜，雖然唔算肥美，但呢個價錢係超值嘅！2️⃣泰式醬汁抵讚，酸酸辣辣夠惹味，但如果多啲就更好啦。3️⃣但個飯底真係唔掂，黃薑飯夠味，但睇相都見到一舊舊，某啲較硬，某啲較濕。👍🏻6/10 🍕西班牙風乾火腿溫泉蛋薄餅 ($48)1️⃣個批底非常抵讚，因為都幾香脆，但唔知點解唔係好夠熱，而芝士都有正常份量。2️⃣如果你鍾意食西班牙火腿，應該會鍾意食！但如果薄餅黎講，田中就覺得普普通通啦，因為味道比較單調，偏鹹。3️⃣而中間粒溫泉蛋就唔知點，連埋啲長身嘅沙律菜，食落比較麻煩，可能要前菜咁食左先！👍🏻5.5/10+$8仲有得跟餐有湯有包有沙律，好豐富，抵食不過正正常常咁啦！但環境黎講係幾好嘅，而且有露天位置，都有啲feel咁。 Poseidon Restaurant & Bar🗺尖沙咀亞士厘道24-38號天星大廈4樓想看更多好餐廳推介 追蹤田中的IG及FB吧！Instagram: https://instagram.com/foodiegogooooFacebook: Foodiegogo 田中小太郎聯絡田中: foodiegogoooo@gmail.com
