茶湯會 x 中環美食 - 爆餡多士配燕麥奶茶抵食又超香脆嘅爆餡吐司❗️下午茶再配返杯珍珠奶茶真係岩岩好。田中有時諗，點解珍珠奶茶鋪頭唔賣小食，唔洗剩係飲嘢飲咁單調。而某日經過中環茶湯會，估唔到又真係有嘢食賣！ 🥪辣吞拿魚吐司套餐 連指定飲品($45)1️⃣呢個吐司其實類似飛碟，而佢嘅外層真係烘得極香脆，入邊嘅辣吞拿魚餡用上台灣嘅香辣醬，唔會太辣但又非常惹味，而且足料到一切就湧出黎。2️⃣配搭黎講，下午茶一啖熱辣辣嘅吐司，一啖涼浸浸嘅茶飲真係無得頂。👍🏻7/10 🥤燕麥觀音珍珠拿鐵 (單叫$34)1️⃣觀音茶底夠香，而且奶同茶比例唔錯，唔會偏多，甜度適中，珍珠夠咬口而又甜甜地，珍珠奶茶黎講算真茶實料！2️⃣而燕麥一樣足料，每啖都有一粒粒燕麥，而呢到嘅燕麥偏向原粒顆粒形狀，而唔係麥片咁，有咬口，同珍珠一齊咬的確幾夾。👍🏻7/10🍎新鮮水果茶 (單叫$32)茶入邊真係有唔同種類嘅新鮮水果，橙、蘋果、火龍果、熱情果之類，整體酸酸甜甜非常解渴，夠哂fresh。👍🏻7/10 茶湯會🗺中環德輔道中19號環球大廈地下C1號舖仲有其他分店！想看更多好餐廳推介 追蹤田中的IG及FB吧！Instagram: https://instagram.com/foodiegogooooFacebook: Foodiegogo 田中小太郎聯絡田中: foodiegogoooo@gmail.com
