激安燒肉工房 x 筲箕灣美食 - 驚喜日式燒肉呢間隱世燒肉真係款款大份，九宮格食齊哂咁多款真心超幸福！位於筲箕灣某半山(斜坡)上嘅燒肉店，附近樹木林立，感覺非常隱世，而且寫滿日文嘅門面，大大個紅燈籠，真係令田中有種返左故鄉嘅感覺。。。好似日本小鎮某間燒肉店咁。 🥩九宮格燒牛盛合 ($288)1️⃣呢個組合齊哂Menu上9種牛肉/部位！大致上都係2-3人份量，最正就係可以一次過試哂咁多款，唔洗煩惱又咩都有得食。2️⃣食材普遍質素幾高，而試完咁多款後，田中推介牛小排同牛舌芯 ，一入口牛香四溢，而牛舌芯爽彈唔韌。3️⃣而且呢到嘅燒肉汁真係十級正，仲有齊青檸辣椒柚子蒜鹽唔同嘅調味料。👍🏻8/10 🍖漬燒雞腿肉 ($48)呢個都係必點之一，因為真係太抵食，平時燒肉店可能得幾件，而呢到係一大碟，而且醃得入味而又爽滑，正。👍🏻7.5/10 🦪廣島蠔2隻 ($28)、活元貝($28)海鮮類非常新鮮，重點係燒出黎鮮甜多汁，配埋蒜蓉非常惹味。👍🏻8.5/10 🍚紫菜牛肉汁飯 ($24)田中叫左兩碗，飯入邊仲有少少飯素，真係非常好送飯，而且每次燒完都擺片肉上去，等肉汁同牛油流落飯入邊，唔叫對唔住自己。👍🏻9/10另外叫左雞翼、翠肉瓜同牛油雜菇等，一樣新鮮大份，最緊要大大份良心，值得支持。 激安燒肉工房🗺筲箕灣新成街8號新成中心地下F號舖想看更多好餐廳推介 追蹤田中的IG及FB吧！Instagram: https://instagram.com/foodiegogooooFacebook: Foodiegogo 田中小太郎聯絡田中: foodiegogoooo@gmail.com
