Soulgood Bar & Restaurant x 屯門美食 - 超誘人的豬肋骨一間超隱世嘅良心西餐小店，鋪頭細細，食物出色，值得支持！唔知大家有冇睇過美劇House of Cards(紙牌屋)，劇中男主角(已被炒)經常去一間隱世小店食ribs。而呢到就有少少劇中果間小店嘅感覺，一樣隱世，員工唔多，裝修簡單，而且帶點美式風格。不過個ribs就係斯文版，冇劇中咁粗獷，但一樣令人食唔停口！ 🍖燒烤風味豬仔骨配薯條 ($178)1️⃣兩大條豬肋骨非常非常淋，完全唔韌唔鞋，一撕就拆到，一咬啖啖肉香滲入口腔。2️⃣而且醬汁非常惹味，食到田中每支骨都啜哂，但肉偏向薄身，而且烤得焦香多少少就更加正。3️⃣薯條正，夠脆！而黑醋沙律份量都多，中和返肉嘅油膩感。👍🏻7.5/10 🍝忌廉青醬烤雞扁意粉($98)1️⃣唔好睇少塊烤雞，田中果日食到嘅係直頭爽口！肉質嫩滑，好似日本雞白湯拉麵嘅雞肉咁。2️⃣意粉睇相都見到creamy，每一條都被忌廉青醬包住，而且青醬夠濃夠香。👍🏻7.5/10 Soulgood Bar & Restaurant🗺屯門達仁坊1-29號遠東發展屯門中心大廈地下L號舖想看更多好餐廳推介 追蹤田中的IG及FB吧！Instagram: https://instagram.com/foodiegogooooFacebook: Foodiegogo 田中小太郎聯絡田中: foodiegogoooo@gmail.com
