小林札幌拉麵 x 大角咀美食 - 隱世北海道拉麵飛唔到去北海道唔緊要嘅黎，呢間隱世小店，試下特色牛油拉麵🎌日本拉麵有上百種流派，而大角咀呢間家庭式小店，就係主打日本三大拉麵之一嘅札幌拉麵。最估唔到嘅係，仲有賣北海道馳名嘅奶油拉麵，未有得去北海道嘅大家，絕對值得黎試試。點擊圖片放大 二人餐 - 包2款拉麵、3款小食($258)🍜招牌牛油拉麵 (單叫 $98)1️⃣原本走鮮甜惹味路線嘅味噌湯底，加入牛油後變得濃厚，每啖湯底都有陣陣牛油香，係香港少有嘅拉麵口味，值得黎試。2️⃣北海道特色嘅奶油拉麵，當然唔少得粟米等等嘅配料，大量嘅昆布、粟米、蔥花、芽菜，令成個麵嘅層次更豐富。👍🏻7.5/10🦀札幌螃蟹拉麵 (單叫 $108)冇牛油嘅湯底冇咁濃厚，但相對上鮮甜惹味，而且味噌配上微微辣香，忍唔住一啖接一啖。👍🏻7.5/10點擊圖片放大 +2 套餐小食仲叫左🍗燒雞翼燒雞軟骨各2串、🥓雞泡魚乾同🍤吉烈炸蝦，田中最鍾意就係雞泡魚乾，濃郁惹味，必叫。另外本身仲有薯仔沙律做前菜，撈埋甜甜地兼微酸嘅沙律醬，非常開胃，質感幼滑，前菜黎講算出色。 小林札幌拉麵🗺大角咀博文街11號富貴大廈西座地下16號舖想看更多好餐廳推介 追蹤田中的IG及FB吧！Instagram: https://instagram.com/foodiegogooooFacebook: Foodiegogo 田中小太郎聯絡田中: foodiegogoooo@gmail.com
