鶴亀 x 尖沙咀美食 - 入口即溶的拉麵叉燒 鶴亀 x 尖沙咀美食 x 叉燒拉麵比起米芝蓮 田中更鍾意米豬連！💛呢間拉麵店既叉燒真係非常出色！ 🍜特濃豚骨沾麵($90)1️⃣必須要讚個叉燒！肥瘦極分明，平衡得極好，完美展現到係一層瘦一層肥，而且薄切，多塊，更滑嫩！2️⃣沾麵湯豚骨味濃，唔係死鹹，鹹中帶鮮甜，麵沾完之後亦唔會淡而無味，有層邪惡豬油浮面，但唔厚，唔會太油膩，超正。3️⃣沾麵既麵比拉麵粗，口感正，可以掛多啲汁之餘，又唔會因為麵條過幼而太鹹，就好似叉燒包咁，唔會皮薄餡多而太濃味。4️⃣溏心蛋夠流心，不過偏鹹，味道似鹵水蛋多啲。田中最愛既荀條夠多，不過有啲老同渣，但不割！👍🏻8/10 🦐櫻花蝦拉麵($93)1️⃣櫻花蝦多到超誇張，令到上麵既時候濃烈到有陣魚糧既味，有啲奇怪，但食落味道絕對ok，令湯底更甜。2️⃣整體口感係啖啖麵都有蝦乾，一粒粒櫻花蝦少少脆，口感過癮，但試一次都夠，都係沾麵正啲！👍🏻7/10鶴亀 (尖沙咀漢口道19-21號漢宜大廈地下L號舖)想看更多好餐廳推介 追蹤田中的IG及FB吧！Instagram: https://instagram.com/foodiegogooooFacebook: Foodiegogo 田中小太郎聯絡田中: foodiegogoooo@gmail.com
