616牛肉火鍋 x 西環美食 x 打邊爐識食之人一定要黎！食齊最靚部位！兼人少少兩個人想打邊爐岩哂！點擊圖片放大 🍲鴛鴦青花椒牛骨湯($78)湯底真係超級香，唔係平時打邊爐果種普通清淡湯水，青花椒好香好辣，嗆口兼刺激，食辣既人絕對會鍾意！仲要越煲越出味！另外不得不提醬料好出色，秘製醬汁好夾牛肉！點擊圖片放大 +4 1️⃣脖仁($68)即係牛頸脊，幾乎係一隻牛入邊最稀有既部份，呢到既脖仁油脂分佈較平均，肉質滑嫩，牛味濃郁。2️⃣牛朴肉($48)係脖仁隔黎既部位，呢到既牛朴肉較為肥美，脂肪多啲，重牛脂香味。3️⃣牛駝峰($48)一睇都見到每塊都有舊肥膏，一咬即刻出哂牛油，肥美香濃，味道似肥牛。4️⃣安格斯橫隔肌($48)肉塊較碎身，牛味重，啖啖牛香，但比較瘦。5️⃣滑尾龍($48)將牛肉同蛋撈埋，似滑牛但保持到肉味，雖然牛味冇咁重，但口感過癮，更加滑嫩。6️⃣匙柄($48)肩胛小排既部位，較瘦同少少鞋，另一種口感，但愈咬愈有牛味。🥩以上最推薦：脖仁、牛朴肉、牛駝峰！同埋白蘿蔔都係必叫！一開頭落，最尾食，索哂湯底既濃味，而且冇渣，極級正！👍🏻9/10 616牛肉火鍋專門店 (西營盤三多大樓地下A號舖)尖沙咀、紅磡、大埔、元朗、荃灣、大圍、銅鑼灣、天后、太子、新蒲崗、大角咀、馬鞍山都有分店！想看更多好餐廳推介 追蹤田中的IG及FB吧！Instagram: https://instagram.com/foodiegogooooFacebook: Foodiegogo 田中小太郎聯絡田中: foodiegogoooo@gmail.com
