諸勝堂 x 上環美食 x 滑蛋叉燒飯用日本蛋整超港式叉燒滑蛋飯，但環境就超日式嘅隱世小店！有日田中經過上環，咁啱見到呢間門面超日式嘅小店，門口仲放住一本本日本官方旅遊指南，望真啲竟然專賣港式食物！不過唔講食物，果本旅遊指南係幾好睇嘅🌰 🍤叉燒蝦仁雙併日本滑蛋飯($58)1️⃣叉燒半肥瘦夠入味，個蛋蛋香味濃又夠滑，加埋個甜豉油真係絕配！2️⃣蝦仁同一般茶記一樣都係彈牙滑蝦仁，蝦味就預左冇乜，就咁叫叉燒滑蛋都夠！👍🏻7.5/10 🍖自家製叉燒鮮忌廉豬骨湯意粉($48)配4.3牛乳炒滑蛋+牛油多士1️⃣忌廉湯同傳統港式湯底一樣偏向鹹鮮，但真係滲出陣陣忌廉香味，濃郁兼少少稠身，冇偷工減料嘅！2️⃣但呢份叉燒真係鞋口兼瘦左啲咁！食開瘦叉嘅應該會鍾意。3️⃣牛乳炒滑蛋超正！日本蛋嘅蛋香真係特別濃，而且夠哂滑！👍🏻7/10但凍奶茶麻麻地兼飲冰，熱柚子蜜就ok！諸勝堂 (上環禧利街15號地下)想看更多好餐廳推介 追蹤田中的IG及FB吧！Instagram: https://instagram/com/foodiegogooooFacebook: Foodiegogo 田中小太郎聯絡田中: foodiegogoooo@gmail.com
